Demonstranća so prawicarsko-ekstremistiskemu zatrašowanju njekłonili

Budyšin (SN/bn). Pod hesłom „Dostojnosć čłowjeka je njezranliwa – tež w Budyšinje“ je předwčerawšim něhdźe 1 000 wobdźělnikow druhi raz demonstraciju Christopher Street Day (CSD) w sprjewinym měsće wuhotowało. Zaměr akcije bě „sadźić sylne, měrliwe znamjo za tolerancu, swobodu a wjelorakosć kaž tež za samopostajowanje nic jenož, ale dźensa hłownje queernych“, podšmórny sobuorganizator Jonas Löschau. „Je škoda, za tajkule samozrozumliwosć na drohu hić dyrbjeć a ze zaklatej hańbu, zo njeje demonstracija bjez škita policije móžna“, so wón za „dobru kooperaciju“ ze zastojnikami podźakowawši doda.