Lajska dźiwadłowa skupina Šunow-Konjecy hotuje so na prapremjeru

Konjecy (SN/BŠe). Čłonojo lajskeje dźiwadłoweje skupiny Šunow-Konjecy hotuja so tuchwilu na swoju prapremjeru „Překlepani rentnarjo wědźa sej pomhać“, kotraž předstaji so 16. nowembra w Šunowskej fabrikskej hospodźe. Hižo nětko je zarjadowanje wupředate, štož swědči wo tójšto fanach lajskeje dźiwadłoweje skupiny. To njezadźiwa, wšako su w minjenych 33 lětach wobstaća cyłka dźiwadźelnicy wjacore wuspěšne dźiwadłowe kruchi předstajili.