Łužica (21.04.16)
Debata wo wokrjesnej reformje
Choćebuz (dpa/ch/SN). Nutřkowny wuběrk Podstupimskeho krajneho sejma je dźensa wo ćežišćach planowaneje wokrjesneje reformy debatował. Čerwjeno-čerwjenej knježerstwowej frakciji stej doporučenje k wobzamknjenju předpołožiłoj, kotrež předwidźi, zo měli wokrjesy a bjezwokrjesne města přichodnje znajmjeńša 150 000 wobydlerjow měć. Choćebuz, Brandenburg nad Habolu a Frankfurt nad Wódru bychu tak swoju samostatnosć zhubili a so do wokolnych wokrjesow zarjadowali. Zaměr čerwjeno-čerwjeneho knježerstwa je, zo woteběraceho wobydlerstwa dla jenož hišće maksimalnje dźesać regionalnych zarjadnistwow dźěła. Wyši měšćanosća potrjechenych městow so tomu wobaraja, zo bjezwokrjesnosć zhubja. Opozicija CDU w krajnym sejmje jich při tym podpěruje.
Čěski politikar bydli w Žitawje
Lody Arktisy taja
Bremerhaven (dpa/K/SN). Slědźerjo maja za móžne, zo lětsa w lěću rekordnje wjele arktiskeho lodu roztaje. Wuhódnoćenje satelitowych datow wupokazuje, zo je lód tam hižo loni w lěću přewšo ćeńki był, a w zymje k tomu njeje wjele noweho lodu nastało. Tole rozprawjeja mórscy fyzikarjo Bremerhavenskeho Instituta Alfreda Wegenera. Kelko lodu so w lěću pozhubi, wotwisuje wot wětrow a wot temperatury powětra a wody. Zakład k tomu kładźe pak so w zymje, wuswětla mórski fyzikar Marcel Nikolaus. Miłeje zymy dla je w mnohich kónčinach Arktisy lód na morju jenož pomału nastawał. Nětko je zdźěla hišće ćeńši hač w nalěću 2012 z jeho negatiwnym rekordom. Tehdy bě so lodowa płonina Arktisy wo 3,4 miliony km² pomjeńšiła.
Wohnjowi wobornicy dźensa w Oranienburgu w zwisku ze ...
Von der Leyen pola němskich wojakow
Ciwilne woporypři nalětach w Syriskej
Trump a Clinton jasnaj dobyćerjej
Poćahi k aliancy „jara špatne“
Rada NATO-Ruska po dwěmaj lětomaj so zaso zešła
Brüssel/Moskwa (dpa/K/SN). Po dwěmaj lětomaj mjelčenja je so w belgiskej stolicy dźensa tak mjenowana Rada NATO-Ruska zaso prěni raz zešła. Rozmołwy wjedźechu na runinje wulkopósłancow 28 krajow NATO a Ruskeje.
Po dnjowym porjedźe buchu naležne temy kaž konflikt Ukrainy dla a situacija w Afghanistanje pojednane. Dźěše tohorunja wo wjetšu transparencu při wojerskich manewrach k pomjeńšenju rizikow. NATO tematizowaše tež napjatosće, nastate přewulkeho přibliženja ruskich lětadłow ameriskim wójnskim łódźam, operowacym na Baltiskim morju. Ruska nača ze swojeje strony sylnjenje jednotkow NATO we wuchodnej Europje, štož ma za njewoprawnjene. Wuslědki ze schadźowanja njejsu wuskočili. K wožiwjenju dźěławosće lěta 2002 za budźenje dowěry mjez něhdyšimi konfliktnymi stronami zymneje wójny załoženeje Rady NATO-Ruska bě předewšěm zwjazkowa republika přinošowała. Zwjadnyć dała bě jej NATO 2014, po tym zo bě sej Ruska połkupu Krim zaso přizamknyła a naslědnje proruskich separatistow w Donbasu podpěrała.
Dyrbja zakoń skorigować
Jednohłósnje
Podstupim/Choćebuz (SN/at). Hłowny wuběrk Krajneho sejma Braniborskeje je dźensa próstwomaj městow Kalawa a Lubin wo oficialne přirjadowanje k serbskemu sydlenskemu rumej w Braniborskej jednohłósnje přihłosował. „Čiłe serbske towarstwowe žiwjenje w Lubinje a derje požadana wučba serbšćiny w Kalawje pokazatej, zo tam serbsku kulturu a rěč pěstuja“, komentuje statny sekretar Martin Gorholt (SPD), braniborski knježerstwowy społnomócnjeny za naležnosće Serbow, wuspěšne zakónčenje pruwowanskeju procedurow.
Porno tomu su gmejnscy radźićeljo gmejny Gojacski jězor (Schwielochsee, wokrjes Dubja-Błóta) póndźelu jednohłósnje wotpokazali, próstwu wo přirjadowanje k serbskemu sydlenskemu rumej stajić. Kaž rjekny čłonka braniborskeje rady za naležnosće Serbow Uta Henšelowa našej nowinje, připóznawaja tam drje aktiwity k pěstowanju serbskich nałožkow kaž tež to, zo wobdźěleja so šulerjo na wučbje serbšćiny a zo bydla Delnjoserbja w gmejnje. Hłowny wotpokazowacy argument gmejnskich radźićelow pak rěkaše: „Njewěmy, što budźe.“
To a tamne (20.04.16)
Tři metry dołheho hada su w bydlenju we Wiesbadenje popadnyli. Wobydler wjaceswójbneho domu bě wodowe blaki na wjerchu wuhladał a chcyše do wyšeho poschoda ležaceho bydlenja pohladać hić. Wobydler pak jeho wotpokaza. Alarmowani policisća wot wobydlerjow zhonichu, zo je w bydlenju had. Zhromadnje z fachowcami weterinarneho zarjada 20 kilogramow ćěžke zwěrjo popadnychu. W bydlenju knježeše tropiska włóžna klima. Po njej běhachu wjacore wulke myše, žiwa pica za hada, policija piše.
Lawica „Baari“ kónc apryla Wojerowski zwěrjenc wopušći. Tole wuchadźa ze zdźělenki coologiskeje zahrody. Z tym tež 30 lět trajace dźerženje lawow zakónča. Hłowna přičina su nowe předpisy za dźerženje zwěrjatow, kotrež w lěće 1987 twarjena připrawa za lawy hižo njespjelnja. Kompromis njeběchu namakali.
