Aus der aktuellen Ausgabe vom Dienstag, 14 August 2018

Dalicy. Hižo 22. raz přewjedźe Chwačanske woltižěrowanske a jěchanske towarstwo wot 17. do 19. awgusta na swojej jěchanskej připrawje w Dalicach „dny ko­nja“. Za to su čłonojo towarstwa za wulkich a małych wopytowarjow znowa pisany program zestajeli. Jedyn z wjerškow budźe přichodnu sobotu woblubowana konjaca moonlightshow, kotraž steji lětsa cyle w znamjenju přirody a jeje mocow.

14. raz su wuchodosakscy přećeljo mineralogije a geologije minjenu sobotu w Hórnikečanskej Energijowej fabrice měnjensku bursu najwšelakorišich mineralijow organizowali. Něhdźe 40 wustajerjow je tam swoje namakanki prezentowało. Zwjetša so woni kóžde lěto znowa wobdźěleja, rjekny organizator Frank Sauer. Lětsa zličichu trochu mjenje wopytowarjow, dokelž puć z Mučowa do Hórnikec přeco hišće hotowy njeje. Mjez wustajerjemi bě Jörg Hendrich z Dobruše. Wón pokazowaše na swojim stejnišću zwjetša eksponaty z blišeje wokoliny, mjez druhim z Wóslinka, ale tež ze skały blisko čěskeho Ústíja nad Labem. Foto: Gernot Menzel

Sokoł Ralbicy/Hórki

– SG Großnaundorf 3:0 (0:0)

Zestawa domjacych: Schöne – K. Matka, Schultz, Šewc, Budar (46. S. Bjeńš), Šołta, Rawš, Bejmak, M. Matka (65. M. Kurjat), Domaška, G. Kurjat (85. Wowčerk)

Na prěnim hrajnym dnju wokrjesneje wyšeje ligi wočakowachu koparjo Sokoła Ralbicy/Hórki team z Großnaundorfa. Motiwacija bě wulka, wšako běchu w minjenej sezonje wobě hrě přećiwo njemu přěhrali. Trenar Chrystof Gloxyn měješe wulki wuběr, dokelž jemu nimale wšitcy hrajerjo připrajichu. Tak móžeše tež kwalitatiwnje jara dobrych koparjow zasadźić. W prěnich 20 mjeń­šinach spytachu Sokoljo bul kontrolować, tola hosćo jich hrajny natwar ze sylnymi dwubojemi stajnje zaso mylachu. Poněčim pak mocy Großnaundorfskich hrajerjow popušćachu, a tak wuhrachu sej domjacy tři składnosće. Dirk Šołta z distancy, Křesćan Bejmak z hłójčku a Pětr Domaška z třělwu z pjeć metrow před wrotami pak zwrěšćichu. Přećiwnik hraješe jara na čas a bě ze stawom 0:0 k połčasej spokojom.

Po wosom tydźenjach je so bičtura Radija Satkula wčera, póndźelu, w Budyskej Sprjewinej kupjeli skónčiła. Škit Budyšin wuhotowa­ tam turněr, samo z třomi polemi, a hosćo móžachu cyły wječor kupanski areal wužiwać. W napjatym boju přesadźi so mustwo Mixery skónčnje přećiwo hosćićelam. Wot 25. junija dožiwi něhdźe 1 000 młodostnych při krasnym lětnim wjedrje live-wu­syłanja Satkule na sydom wsach a w měsće. Za dwě njedźeli budźe bičwolejbulowe finale z 20 mustwami w Bobkec jěchan­skej hali w Miłoćicach. Tekst: Gloria Žurec; foto: Darius Budar

FSV Budissa Budyšin

– FSV Union Fürstenwalde 2:0 (0:0)

Zestawa domjacych: Ebersbach – Kunze, Patka, Hoßmang, Mack, Weiß, Ciapa, Treu (67. Krawčik), Schmidt, Schlicht (90. Merkel), Bönisch (87. Wockatz)

W dotalnych štyrjoch hrach přećiwo ko­parjam Fürstenwaldy njejsu Budyšenjo hišće połnje dypkować móhli. Po tym zo bě Budissa derje­ do noweje sezony startowała, mě­ješe wona dosć sebjewědomja, plan tež zwoprawdźić.

Při tropiskich temperaturach mu­stwje hru měrnje zahajištej. Kevin Bönisch, kiž swjećeše tón dźeń narodniny, měješe prě­nju šansu za domjacych. Hłójčko­wany bul pak cil njenamaka (9.). Wolejtřělwa Niklasa Thiela wrotarjej Maikej­ Ebers­bachej žane ćeže njenačini (15.). Dalšu składnosć za Budissu měješe Tony Schmidt, třělwa ze zdalenosće 35 metrow dźěše snadnje wyše łaty (19.). Hosćićel ćišć nětko zesylni. Po wólnym kopje Schmidta pak tež Bönisch kulo­watu kožu porjadnje njetrjechi (30.). Poslednja składnosć za Budissu do pře­stawki nasta znowa po róžku Schmidta. Hłójčkowany bul Pavela Patki wrotar Paul Büchel wotwobara, a třělwu Mateusza Ciapy znješkódni Thiel (38.).

ST Marijina hwězda – SJ Chrósćicy II 3:0 (2:0)

Zestawa domjacych: Schmidt – C. Cyž, Škoda, Rab, Hawš, Peschmann, Kuring, Pjetaš, Winkler (81. R. Cyž), Eldor (11. Zelnak), Pakoßnick

Zestawa hosći: M. Cyž – M. Donat, Mohaupt (46. Mark), Wowčer, Bětnar, Liznar, J. Donat, Dehn (67. Kral), Zahrodnik, Šołta (75. Pjetaš), Dórnik

Hnydom na spočatku sezony 2018/ 2019 wotmě so we wokrjesnej lize serbski koparski derby mjez Pančicami-Kukowom a Chrósćicami. A domjacy su jón z 3:0 za sebje rozsudźili.

SZ Babelsberg 03

– FSV Budissa Budyšin 4:0 (4:0)

Zestawa hosći: Ebersbach – Kunze, Patka, Hoßmang, Mack, Weiß, Ciapa (81. Bär), Krawčik (21. Treu), Schmidt, Schlicht, Bönisch (77. Wockatz)

Dotal běchu jězby za koparjow Bu­­dissy Budyšin do filmoweho městačka přeco přijomne. W štyrjoch hrach přećiwo cyłkej z Babelsberga móžachu woni přeco dypk sobu domoj wzać. Tež tónraz bě­chu­ hosćo optimistiscy, wšako mějachu jara dobry start do sezony.

Kopańca, regionalna liga muži

BFC Dynamo – Berlinski AK 0:3 (0:1)

Babelsberg – Budissa Budyšin 4:0 (4:0)

Neugersdorf – Altglienicke 3:1 (1:1)

Auerbach – Halberstadt 2:0 (2:0)

Fürstenwalde – Lipsk 1:2 (1:0)

Biskopicy – Rathenow 1:0 (0:0)

Viktoria Berlin – Nordhausen 0:0 (0:0)

Meuselwitz – Hertha BSC II 3:0 (1:0)

Erfurt – Kamjenica0:3 (0:0)

1. Kamjeničanski FC 4 10 : 3 12

2. SV Babelsberg 4 12 : 3 9

3. Wacker Nordhausen 4 5 : 1 8

4. FC Viktoria Berlin 4 7 : 5 7

5. Biskopičanske KT 3 4 : 2 7

6. Čerwjeno-běli Erfurt 4 4 : 3 7

7. Budissa Budyšin 4 5 : 5 7

8. ZFC Meuselwitz 4 7 : 6 6

9. Lok Lipsk 4 7 : 7 6

10. Berlinski AK 3 4 : 5 6

11. VfB Auerbach 4 4 : 5 5

12. VSG Altglienicke 4 5 : 9 4

13. Germania Halberstadt 4 6 : 5 3

14. Hornja Łuž. Neugersdorf 3 4 : 6 3

15. Optik Rathenow 4 6 : 9 3

16. BFC Dynamo 4 4 : 11 3

17. Hertha BSC II 3 3 : 7 1

18. Union Fürstenwalde 4 3 : 8 0

wokrjesna wyša liga

Hnašecy-Dobruša – Póst Budyšin 3:5 (0:4)

Kumwałd – Hory1:3 (0:1)

Bukecy – Kulow1:4 (1:1)

Ralbicy/Hórki – Großnaundorf 3:0 (0:0)

Kinspork/Łužnica – Porchow 4:1 (2:0)

Radwor – Rakecy0:2 (0:1)

Němske Pazlicy – Połčnica 2:0 (1:0)

Ramnow – Wojerowski FC0:0 (0:0)

1. Módro-běli Kulow 1 4 : 1 3

1. ST Kinspork/Łužnica 1 4 : 1 3

3. Sokoł Ralbicy/Hórki 1 3 : 0 3

4. Póst Germania Budyšin 1 5 : 3 3

5. LSV Hory 1 3 : 1 3

6. Rakečanske ST 1 2 : 0 3

6. Natwar Němske Pazlicy 1 2 : 0 3

8. Wojerowski FC 1 0 : 0 1

8. Drohotka Ramnow 1 0 : 0 1

10. ST Hnašecy-Dobruša 1 3 : 5 0

11. Motor Kumwałd 1 1 : 3 0

12. ST Radwor 1 0 : 2 0

12. TSV Połčnica 1 0 : 2 0

14. ST Porchow 1 1 : 4 0

14. Zeleno-běli Bukecy 1 1 : 4 0

16. SG Großnaundorf 1 0 : 3 0