Aus der aktuellen Ausgabe vom Donnerstag, 25 April 2019

Komorow. Domowinska skupina Komorow-Trupin-Rakecy přeprošuje na čitarski wječor ze zastupowacym šefredaktorom Serbskich Nowin Axelom Arltom. Rozmołwne koło wotměje so jutře, pjatk, w 17 hodź. w Komorowskim młodźinskim klubje. Wopytowarjo změja składnosć, wšědne wužadanja a wjesela re­dakcije a redaktorow zeznać a zhonić, kak serbski wječornik wšědnje nastawa. Nimo skupinarjow su tež dalši zajimcy wutrobnje witani.

Jehnjata sej wobhladać

Dołha Boršć. Přirodoškitna stacija ­wuchodneje Hornjeje Łužicy přeprošuje předewšěm swójby z dźěćimi na dźeń wotewrjeneje wowčernje w Dołhej Boršći (Förstgen) pola Mikowa jutře, pjatk, wot 16 do 18 hodź. Tam je so minjene ty­dźenje wjele jehnjatow narodźiło. Wulcy a mali wopytowarjo móža sej je zbliska wobhladać, pomajkać a dóstanu nimo toho najwšelakoriše informacije wo jich wuznamje za přirodne hladanje płoninow w biosferowym rezerwaće Hornjołužiska hola a haty.

Farma w znamjenju Europy

Podhladny nócny wulět

Dźěwin. Pozdatnaj paduchaj staj zawčerawšim na pózdnim wječoru na puću mjez Dźěwinom a Slepom kedźbnosć dweju policistow zbudźiłoj. Na kromje puća 38lětna žona a 23lětny muž runje wšelake kable na awto nakładowaštaj, štož bě zastojnikam w tym času wězo podhladne. Po wšěm zdaću běštaj muž a žona na wšě 750 kilogramow ćežke izolowane kable něhdźe spakosćiłoj a chcyštaj je w škiće ćmy wotwjezć. Policistaj wobeju nachwilnje zaještaj a pře­ćiwo nimaj přepytowanske jednanje padu­stwa z brónjemi dla zahajištaj. ­Młody muž měješe mjenujcy nóž při sebi, kiž móhł kóždy čas z kapsy wućahnyć, Zhorjelska policajska direkcija zdźěli. Hódnotu rubizny trochuja na něhdźe ­tysac eurow.

25.4.–1.5.2019 Budyski filmowy palast:­

Avengers Endgame w 3 D: wšědnje 14:00 (nimo pó), 16:00, 18:00 a 20:00 | pj, so a wu 22:00 Royal Corgi: srj 14:00 a 16:00 Der Fall Collini: wšědnje 17:45 (nimo pó) Friedhof der Kuscheltiere: pj, so a wu 22:30 Willkommen im Wunder­ Park: wšědnje 14:00 (nimo pó) Willkommen im Wunder Park w 3 D: nj a srj 12:00 Alfons Zitterbacke: wšědnje 13:45 (nimo pó a srj) | nj a srj 11:45 Dumbo: wšědnje 13:30 (nimo pó) After Passion: wšědnje 15:45 (nimo pó a srj) a 20:15 (nimo pó) | pó 17:45 Die Gold­fische: wšědnje 15:45 Drachenzähmen leicht gemacht: nj a srj 11:30 Ostwind: nj a srj 11:15 Monsieur Claude: wšědnje 18:00 (nimo pó) a 20:15

Kino-ekstra: Der goldene Handschuh: pó 17:15 a 20:15

Wojerowski CineMotion:

Royal Corgi: srj 13:00, 14:30 a 17:30 Avengers Endgame w 3 D: wšědnje 14:00, 16:15 a 20:00 | pj a so 22:00 Avengers Endgame: wšědnje 17:00 a 19:30 Friedhof der Kuscheltiere: wšědnje 20:30 | pj, so a wu 22:40 After Passion: wšědnje 17:30 (nimo srj) a 19:45 Alfons Zitterbacke: wšědnje 12:00 (nimo pó a wu) a 14:45 Willkommen im Wunder Park: wšědnje 12:10 (nimo pó) a 15:00 Die Goldfische: wšědnje 13:55 (nimo srj) Monsieur Claude: wšědnje 17:15 (nimo pó) Dumbo: štw, pj, so a nj 12:40 Ostwind: wšědnje 12:30 (nimo pó a wu) Der verlorene Sohn: pó 17:15 Wir: pj, so a wu 23:00

W krajnej klasy su jutry póndźelu w Chrósćicach partiju nachwatali, a to SJ Chrósćicy – ST Drježdźany Strěžin. Hosćićel w prěnim­ połčasu přez wrota Gabriela Zahrodnika nawjedowaše, w druhim pak hosćo dźesać mjeńšin do kónca k 1:1 wuru­nachu. Hru widźa­ło bě 85 přihladowarjow. W tabulce druheje najwyšeje koparskeje klasy Sakskeje so ničo njezměni. Mustwo­ z Drježdźan je da­le třeće, Chróšćenjo steja na 11. městnje. Foto: Werner Müller

32. běh wo hórskeju kralow na wjeršk­ Mnišonca

Kaž kóžde lěto w aprylu wotmě so, mjeztym hižo 32. raz, tradicionalne wubě­dźowanje běharkow a běharjow wo hórskeju kralow na znatu horu Mnišonc. Cil na­ horje přeprěči lětsa 116 atletow (z nich 27 žónskich), štož je nowy rekord. Ze sylneho pola starterow je sej Marco Friedrich z Budyšina w spěšnych 13:20 min titul hórskeho krala zawěsćił a jeničce 41 sekundow za nim docpě mjeztym hižo 40lětny něhdyši wuspěšny triatlet němskeho narodneho mustwa Maik Petzold­, tež nětko zaso Budyšan, jako druhi cil (14:01 min). Serbski lubowar běhow,­ wosebje na dołhich čarach, Jan Krawc z Hrubjelčic (sk 45) wubědźi sej prima cyłkowne 27. městno w spěšnych 18:13 min. Wusahowałoj běštaj wosebje tež wukonaj staršeju starterow z Budy­šina: Silvio Schade (sk 50) wubědźi sej cyłkowne 10. městno (16:27 min) a nan Maika Petzolda, Reinhard Petzold (sk 65!) wuběrne 30. městno (18:24 min).

Pola žonow bě, kaž hižo tójšto króć, 34lětna Franziska Kranich ze Zhorjelca hórska kralowna (16:09 min). Serbskej starterce zmištrowaštej tule ćežku čaru z brawuru: Katja Žurowa z Budyšina 7. městno (19:45 min) a Katarina Bejmakowa z Radworja 17. městno (22:54 min).

Módro-běli Wojerecy – Viktoria Worklecy 3:0 (25:12, 25:17, 25:20)

Kónčna tabulka

1. Volleys Koblicy 16 48 : 6 48

2. CVJM Zhorjelc 16 39 : 25 34

3. Viktoria Worklecy 16 37 : 21 33

4. Módro-běli Wojerecy II 16 31 : 24 25

5. TSV Niederoderwitz  16 25 : 35 20

6. MSV Budyšin 04 II  16 26 : 35 18

7. TSV Kundraćicy 16 27 : 40 17

8. ST 1896 Wulka Dubrawa 16 22 : 39 14

9. OSSV Kamjenc 16 14 : 44 7

Napjatosć na poslednim hrajnym dnju we wolejbulowej wobwodnej lize wob­steješe w prěnim rjedźe z dwuboja mjez Viktoriju Worklecy a CVJM Zhorjelc wo wicemišterstwo. Tež hdyž mějachu Worklečenjo po domjacym dobyću přećiwo Zhorjelčanam dwaj dypkaj předskoka, rěča­chu wšitke předznamjenja za mustwo ze Zhorjelca. Wone měješe pozdatnje lóši wonkowny nadawk we Wulkej Dubrawje, mjeztym zo dyrbjachu Worklecy ze zesłabjenym mustwom pola doma­ sylnych Módro-běłych we Woje­recach nastupić. Z Marcelom Rjelku (prěni přistajer a tworićel hry) a naposledk jara sylnym Janom Bětnarjom (nadběhowar a druhi přistajer) pobrachowaštaj hosćom hnydom dwaj stajnej hrajerjej.

Wobě mustwje Serbskeje wyšeje šule „Michał Hórnik“ Worklecy (na wobrazu) stej w swójskej sportowni wubědźowanje Wysokoskok z hudźbu dominowali a prěnje a druhe městno wobsadźiłoj. Lětsa wobdźělichu so na nim jenož šulerki a šulerjo štyrjoch­ serbskich wyšich šulow, dokelž dyrbjachu serbscy gymnaziasća z Budyšina wotprajić. Třeće městno w šěsć cyłkow wulkim polu wobsadźichu Ralbičanscy šulerjo­. Zarjadowarjej běštej Serbske šulske towarstwo zhromadnje ze sportowym towarstwom Viktoriju Worklecy, wuhotowar šulerki a šulerjo Serbskeje wyšeje šule „Michał Hórnik“ Worklecy zhromadnje ze swojimi sportowym wučerjemi. Naj­wyše skočił je Elias Kreuz, šuler 10. lětnika Serbskeje wyšeje šule „Michał Hórnik“ Worklecy. Wón přeskoči 1,50 metrow. Foto: Tomaš Šołta

Kónčna tabulka

1. SZ Budyšin sewjer  14  24 : 9  22

2. ST Sokolnik Wjazońca 14  22 : 11  20

3. ST Chróstawa  14  20 : 13  18

4. ST Marijina hwězda  14  17 : 15  16

5. ST Hnašecy-Dobruša  14  16 : 17  14

6. MSV Budyšin 04 IV  14  15 : 20  10

7. Wóspork/Hrodźišćo  14  11 : 20  10

8. Sokoł Budyšin  14  6 : 26  2

Posledni hrajny dźeń sezony 2018/2019 wjedźeše wolejbulistow z Pančic-Kukowa do dotal njeznateje ćěłozwučowarnje w Słónkecach (Schlungwitz). Tam čakaštaj hosćićel z Hnašec-Dobruše a serbski kontrahent Sokoł Budyšin na nich­. Pančičenjo pak nastupichu w zesłabjenej zestawje. Ze sydom hra­jerjow mějachu so třo hišće z poslednimi storkami chorosćow bědźić. Nimo toho wobsteješe mustwo z poprawom štyrjoch­ přistajerjow, tak zo dyrbješe Jakub­ Langa do nadběha hić.

ST Hnašecy-Dobruša – Sokoł Budyšin 2:1 (17:25, 25:21, 15:11)