Weimarski kwartet Aurelia prapremjeru předstajił

Dienstag, 28. November 2017
Artikel bewerten
(0 Stimmen)
Twórbu „lignum“ Jana Cyža předstaji kwartet Aurelia minjenu sobotu w Budyšinje.  Foto: Carmen Schumann Twórbu „lignum“ Jana Cyža předstaji kwartet Aurelia minjenu sobotu w Budyšinje. Foto: Carmen Schumann

Prapředstajenja našočasnych twórbow, při kotrychž nazwučowanju interpreća wusko z komponistami hromadźe dźěłaja, su takrjec spóznawanska značka smyčkoweho kwarteta Aurelia we Weimaru. Minjenu sobotu wječor koncertowachu Astrid Schütte a Jeannina Gutierrez (wiolina), Christine Freywald (wiola) a Markus Löbling (violoncello) na žurli Serbskeho ludoweho ansambla w Budyšinje.

Budyšin (CRM/SN). Sakski hudźbny zwjazk ze sydłom w Lipsku tajke ambicioněrowane zeskupjenja wosebiteje klasy spěchuje. Ale tež Załožba za serbski lud jich aktiwity předewšěm na polu klasiskeje moderny podpěruje. Na programje steješe tuž šěsć twórbow za smyčkowy kwartet, nastatych minjeny lětdźesatku. Prapremjeru měješe twórba „lignum“ Budyšana Jana Cyža z lěta 2015. Wona so napadnje wot wostatnych kompozicijow přez njezaměnliwy rukopis serbskeho hudźbneho awtora wuznamjenja.

Veröffentlicht in Kultura
Bitte anmelden, um einen Kommentar zu posten

Chróšćan Šulerjo

Neuheiten LND