OBRIA 2022 z pjeć wosebitymi jubilejnymi listowymi znamkami

Budyšin (SN/CoR). Dotal najwjetšu wustajeńcu listowych znamkow w Hornjej Łužicy přihotuje tuchwilu Budyske Towarstwo filatelistow. Tak wotměje so w třikrajowym róžku Pólska, Němska a Čěska wot 1. do 4. septembra OBRIA 2022 z mjezynarodnym wobdźělenjom. Z přehladku chcedźa wjelelětne poćahi Budyšina k susodnymaj krajomaj skrućić. Towarstwje z Neugersdorfa a Žitawy předewzaće podpěrujetej. Patronat přewza zapósłanc CDU w Sakskim krajnym sejmje Marko Šiman (CDU).