Sport (03.01.25)
Worklečanki dwójce doma hraja
Prěnje wolejbulowe mustwo žonow Viktorije Worklecy hraje jutře dwójce doma, a to přećiwo hosćom z Běłeje Wody a z Koblic. Worklečanscy mužojo prěnjeho a druheho mustwa nastupja w Coswigu respektiwnje w Ludwigsdorfje.
04.01. 14:00 SV Viktoria Worklecy –
Boxberg Weißwasser (ž)
04.01. 16:00 SV Viktoria Worklecy –
JTVG Koblicy (ž)
04.01. 16:00 Coswig-Mišno –
Viktoria Worklecy (m)
04.01. 14:00 ST Ludwigsdorf –
Viktoria Worklecy II (m)
11.01. 14:00 VV Žitawa 09 II –
Viktoria Worklecy (ž)
11.01. 14:00 VV Žitawa 09 III –
Viktoria Worklecy II (ž)
Nowolětne běhi we Wojerecach
Sportowy klub Wojerecy přeprošuje wšitke běharki a wšitkich běharjow na mjeztym 46. nowolětne běhi. Běhać budźe so zaso w sportowym forumje, a to njedźelu, 5. januara, wot 10.30 hodź. Hłowny bě ma distancu 6 km a běh za kóždeho je 2 km dołhi. Přizjewjenja su hišće na městnje móžne.
Serbske mustwo žonow hraje
Budyšenjo Mikławšowy wolejbulowy turněr dobyli
Sedmy a posledni wolejbulowy turněr serbskich wólnočasnych mustwow lěta 2024 doby w Chróšćanskej „Jednoće“ mustwo Serbskeho gymnazija Budyšin (SGB) před Žołto-módrymi z Kulowa a młodźiny SJ Chrósćicy.
Nawoda sekcije wolejbul SJ Chrósćicy Marian Korjeńk powita 9. decembra wosom wolejbulowych wólnočasnych mustwow na mjeztym 19. Mikławšowy turněr do tamnišeje „Jednoty“. Znowa bě podźěl młodych hrajerjow a wolejbulistkow jara wysoki, štož cyłkownemu zhromadnemu sportowanju jara tyje. Hłownaj sudnikaj turněra Měrko Šmit a Roland Brězan staj wšitke partije wuběrnje wjedłoj. Dokelž bě wukónc poslednjeje stacije „top-sydom“ 2024 njesměrnje wurunany (hlej tabulka), bě trjeba, hnydom za sydom mustwow diferencu wšitkich małkich dypkow wuličić.
Koparski turněr juniorow
Kaž kóžde lěto organizuja Sokoljo z Ralbic mjez hodami a nowym lětom juniorowy halowy turněr za serbski koparski dorost. Přemało přizjewjenych mustwow dla so Ralbičenjo mjez druhim w Rakecach, Wóslinku/Skaskowje a Kulowje naprašowachu, hač nochcedźa ze swojimi mustwami pódla być.
Turněr młodźiny F
Hižo we 8.30 hodź. zahwizda sudnik Johann Šnajder prěnju hru młodźiny F. Šěsć mustwow bě do delanskeje ćěłozwučowarnje přichwatało. Wot spočatka běchu Ralbičenjo, Chróšćenjo a Njebjelčenjo najlěpše mustwa a sej dypk po dypku wuwojowachu. Horjanscy koparjo pak mějachu na kóncu najwjac ličakow a so tuž wjeselachu jako smědźachu pokal přiwzać. Ralbicy a Njebjelčicy mějachu jenak wjele dypkow (10), tola Njebjelčenjo třělichu jedne wrota wjac a so tuž na slěbornym schodźenku zaměstnichu.
Kónčne zaměstnjenje:
1. Chrósćicy
2. Njebjelčicy
3. Ralbicy módre
4. Rakecy
5. Wóslink/Skaskow
6. Ralbicy žołte
Turněr młodźiny E
Sylwester skerje připad
Berlin (B/SN). Sylwester, naslědnik swjateho Pětra běše biskop Roma. Dźensa by so wón mjenował bamž. Wón je so něhdźe 265 narodźił, wot 314 hač do jeho smjerće 31. decembra 335 skutkowaše wón jako bamž. Tohodla křesćenjo stajnje kónc lěta na njeho spominaja. Dźensa je wón patron domjaceho skotu a noweho lěta. Je skerje připad, zo swjećimy přechod do noweho lěta mjez sylwestrom a prěnim januarom. Zažni křesćenjo su jón pak 6. januara pak 25. decembra swjećili.
Biskopja gratulowali
Drježdźany (B/SN). Znowa wuzwoleny sakski ministerski prezident Michael Kretschmer (CDU) je při spřisahanju ze swobodneje wole hesło dodał “So wahr mir Gott helfe“. Biskopja Heinrich Timmerevers, Wolfgang Ipolt a Gerhard Feige přejachu jemu „zbožo a dowěru, rozsudźenosć, krutosć, rozhladniwosć a strózbosć“ w jeho skutkowanju. Krajny biskop ewangelsko-lutherskeje cyrkwje Tobias Bilz pisa „Jako křesćenjo prosymy wo Bože žohnowanje za dźěło knježerstwa.“
Wosadne zdźělenki
Widźał,słyšał, napisał (30.12.24)
Awtor dźensa
Beno Šołta
Lěto je nimale nimo. Jenički dźeń nam zwostanje, potom móžemy so do noweho měrić. Poslednje „widźał, słyšał, napisał“ 2024 mam w horšći, kajka to česć. Hačrunjež njejsym wulki fan toho, wróćo zhladować na to, što sy wšitko – na sportowym polu – docpěł. Wšako kóždy sportowc wě, zo nimaš so nad docpětym wotpočnyć, ale dale dźěłać na tym, štož je hišće móžno. Što ći dobry čas při poslednim běhu přinjese, hdyž nětko wjace njezamóžeš tutón docpěć, dokelž njejsy wjac dosć trenował?
Wo tym móžu štučku spěwać. Sym to hižo někotre razy sam dožiwił, kak so w běhu lěta tak pohubjeńšich, jenož dokelž sej myslach, zo to nětko móžu a fit wostanu. Jenož z disciplinu a wutrajnosću wjele docpěješ – hustohdy wjace hač sej přicpěješ. Tež to je znate: rozsudźiš so za sport, při kotrymž maš spočatnje ćeže – po wěstym času so potom dźiwaš kak derje sport hižo wobknježiš.
Regiocup w Budyšinje přewjedli
Pola načolnika sej dypk wudobyli
ASV Doprědka Rózbork –
Viktoria Worklecy 3:2
(23:25, 25:14, 25:11, 15:25, 15:6)
Za Viktoriju Worklecy zasadźeni: Anita Bierbaum, Diana Hajnec, Xenia Koberec, Christin Opicec, Jenny Otto, Constance Pötschke, Rejzka Rawšec, Kathrin Spiesec, Emma Šustrec, Hannah Šustrec, Jana Žurowa
Prěnje zastupnistwo žonow Viktorije Worklecy bě na poslednim hrajnym dnju w aktualnym kalendrowym lěće do Rózborka dojěło. Zo budźe hra wužadanje, bě hižo do toho jasnje, wšako hrajachu Worklečanki přećiwo načolnikej, kiž měješe eksaktnje dźesać dypkow wjace na dypkowym konće.
Mustwo Viktorije bě za tutón hrajny dźeń po ličbje jara derje zastupjeny. Team zesylnjachu hrajerki z druheho zastupnistwa, kotrež móžachu prěnje nazhonjenja we wobwodnej lize hromadźić.
Prěnja sadźba započa so wurunana. Přiwšěm pak poradźi so Worklečankam, sej snadny předskok wuhrać. Srjedź sadźby tón za wokomik wotedachu, wšako zamóchu so hosćićelki wosebje w nadběhach přesadźić. Po timeouće při dypkowym stawje 17:18 zamó so prěnje zastupnistwo přesadźić a rozsudźi prěnju sadźbu z napjatym 23:25.
Sensacionelna namakanka
Frankfurt n. M. (B/SN). Najstarši dopokaz křesćanstwa su sewjernje Alpow w amuletowej kapsli z 18 linkami teksta na slěbornej foliji namakali. Na něhdźe 1 800 stary zawity tekst storčichu archeologojo při wurywanjach. Dokelž bě wón w małej slěbornej tyzce škitany, je dokument čas přetrał. „Kóždy jazyk njech so wuznawa (k Jězusej Chrystusej)“, steji na kóncu poselstwa. Po měnjenju wědomostnikow słuša namakanka k najwuznamnišim dopokazam zažneho křesćanstwa na swěće.
Bože mšě w cuzbje wopytać
Bonn (B/SN). Štóž je cyłe lěto abo dlěje we wukraju a pyta za němskorěčnymi Božimi mšemi, namaka je nětko na internetnym portalu. Wukrajny sekretariat Němskeje biskopskeje konferency je informacije pod www.auslandsseelsorge.de po kontinentach a krajach rjadował. Tež móžnosće zasadźenja w dušepastyrskej słužbje na dowolowych łódźach su tam předstajene. Cyłkownje podpěraja dušepastyrjo 90 němskorěčnych wosadow a farow wot Kapstadta a Kopenhagena hač k Sydneyjej a Mexiku-městu.
Adwentny wěnc
Na kóncu lěta njerozsudny wuslědk
FC Ingolstadt –
FC Energija Choćebuz 1:1 (0:1)
Energija Choćebuz: Bethke – Hasse, Slamar, Campulka, Bretschneider, Pelivan, Möker, (83. Juckel), Borgmann, Krauß (46. Copado), Ciğerci, Halbauer (73. Hajrulla)
slěd wrotow: 0:1 Halbauer (23.), 1:1 Grönning (59.)
Z tutym sprawnym remisom rozžohnuje so FC Energija Choćebuz po wulkotnym prěnim kole do zymskeje přestawki.
Prěnich 30 mjeńšinow słušeše jasnje hosćom, kotřiž móžachu z mnohimi dobrymi pasažemi stajnje spěšnje srjedźne polo přeprěčić.
Po změnje stronow nawróćichu so domjacy aktiwnišo na trawnik a mějachu wjac hrajneho podźěla a někotružkuli dobru šansu. Tola zaso raz pokaza so wrotar FCE Elias Bethke ze swojej najlěpšej strony a zadźěwa wjacore razy móžnosćam. Jeničce w 59. min. zamó po rjanej kombinaciji FCI najlěpši třělc Sebastian Grönning zasłužbnje wurunać. Georg Zielonkowski
