Mała sensacija za młodych wolejbulistow z Worklec
Młodźina starobneje klasy U20 sportoweho towarstwa Viktorije Worklecy wobdźěli so njedźelu, 9. měrca, z pjeć dalšimi cyłkami na sakskim wolejbulowym mišterstwje młodźiny w Delitzschu. Městno na tutym wubědźowanju su sej Worklečenjo z dobyćom wobwodnych mišterstwow wuwojowali, runje tak kaž tři dalše mustwa. Cyłkaj L.E. Lipsk a VC Drježdźany pak běštej jako zastupnistwje z krajneju zepěranišćow sadźenej. W tutymaj hraja tež hrajerjo dorosta narodneho mustwa sobu.
Za Woklecy hrajachu: Jan a Jurij Bobka, Metod Hoza, Matej Kober, Tadej Krječmar, kapitan Elias Kummer, Anton Wićaz, Julian Manczak, Samuel Paška, Janick Pjetaš, Jan Zarjeńk a Benedikt Šołta. Trenar: Alexander Cyž; kotrenar: Daniel Gall
Sprawny remis w serbskim derbyju
SJ Chrósćicy II –
ST Marijina hwězda 1:1 (0:1)
Zestawa domjacych: M. Mark – M. Donat, Wenderoth (62. Žur), F. Zahrodnik, Dórnik, Budar, Domaška, J. Donat, Handrik (88. J. Mark), M. Zahrodnik, Kř. Zahrodnik
Zestawa hosći: Matik – Hoge, Pakoßnick, E. Bulank, Wróbl (40. Zynda, 76. Langer), Clausen (55. Gedeon), Cyž, Kuring, Eldor, Lugge, Kreuz (72. F. Bulank)
Na Hórčan sportnišću je so njedźelu serbski derby mjez rezerwu SJ Chrósćicy a prěnim koparskim mustwom ST Marijineje hwězdy přewjedł. Mustwje dźělachu do hry jenož štyri dypki, štož lubješe přihladowarjam napjatu hru.
Bojowniska hra serbskeju mustwow bjez wrotow
SJ Chrósćicy –
Sokoł Ralbicy/Hórki 0:0
Zestawa SJ Chrósćicy: Škoda – Mark, Zynda (71. J. Donat), B. Cyž, L. Zahrodnik, M. Zahrodnik, B. Donat (81. Handrik), G. Zahrodnik, Graf (15. Bjeńš), Bogusz, Młynk (64. Kř. Zahrodnik)
Zestawa Sokoła Ralbicy/Hórki: Schöne – Matka, Šewc (48. Mjechela), Domaška, Wałda, Korjenk, Gloxyn, Mikławšk (88. Woko), Hicka (74. Heidorn), Bejma, Šnajder (65. Rachela)
Na Hórčan sportnišću wotmě so njedźelu we wokrjesnej wyšej lize napjaty serbski derby mjez Chróšćanami a Ralbičanami. Rjane wjedro bě nimale 400 přihladowarjow přiwabiło. Prěni derby sezony w Delanach wšak bě so při trajnym dešću 1:1 skónčił. Runje tak wurunany je tuchwilny staw w tabulce, hdźež maja Chróšćenjo jedne wrota wjace a steja z tym městno před Ralbicami.
Wuslědki (18.03.25)
Kopańca;
wokrjesna wyša liga
Bukecy – SC Großröhrsdorf 3:3 (2:2)
TSV Połčnica – Póst Ger. Budyšin 1:1 (0:0)
Hnaš.-Dobruša – Łaz/B. Chołmc 3:0 (0:0)
Rakečanske ST – TSV Wachau wupad
Horni kraj-Sprj. – Großnaund. 1:0 (1:0)
Ramnow – Ottendorf-Okrilla 2:0 (1:0)
SJ Chrósćicy – Ralbicy/Hórki 0:0 (0:0)
Němske Pazlicy – Kulow 2:0 (1:0)
1. Natwar Němske Pazlicy 18 49 : 18 49
2. SC 1911 Großröhrsdorf 19 38 : 28 38
3. ST Hnašecy-Dobruša 18 40 : 24 36
4. SG Großnaundorf 18 39 : 23 31
5. Póst Germania Budyšin 19 41 : 33 30
6. Rakečanske ST 16 47 : 21 29
7. SJ Chrósćicy 18 29 : 31 23
8. Sokoł Ralbicy/Hórki 18 29 : 19 22
9. Zeleno-běli Bukecy 19 40 : 44 22
10. ST Horni kraj-Sprjewja 18 31 : 43 21
11. TSV Wachau 18 26 : 32 19
12. Módro-běli Kulow 18 21 : 33 19
13. Drohotka Ramnow 16 23 : 36 16
14. FV Ottendorf-Okrilla 19 23 : 42 16
15. TSV Połčnica 17 22 : 33 14
16. HZ Łaz/Běły Chołmc 17 9 : 47 5
Sezona zakónčena
Łužiske lodohokejowe liški – EHC Freiburg 3:5 (1:1, 1:2, 1:2)
Hłowne koło su Łužiske lodohokejowe liški na wosmym městnje zakónčili a dyrbjachu so z tym najprjedy hišće za móžne hry wo postup (playoffs) kwalifikować. W tak mjenowanych pre-playoffs nastupichu woni přećiwo wjelkam z Freiburga w seriji best-of-three. Štóž jako prěni dwě hrě dobudźe, je koło dale.
W 4. min. domjacy prěni raz z jednym hrajerjom wjace na lodźe agěrowachu, njemóžachu pak to zwužitkować. Potom pak so Lewis Zerter-Gossage do nadběhoweje třećiny Wjelkow předoby a Matěj Leden trjechi nawjedowanje 1:0 (6.). Freiburg po tym tempo zwyši. Při hrě štyrjoch přećiwo štyrjom docpě Sameli Ventelä wurunanje 1:1 (16.).
W srjedźnym wotrězku traješe jenož 21 sekundow, doniž Niko Linsenmaier nawjedowanje 2:1 za Freiburg njedocpě. W 24. min. zwyši Tomas Schwammberger na 3:1. Liški namakachu pomału wróćo do hry a docpěchu we 28. min. přez Charlieja Jahnke 2:3.
We wokrjesnej wyšej lize je sej wčera w Hórkach bjezwrotowy serbski ...
Dypki w krajnej stolicy wostali
ST Motor Mickten –
Viktoria Worklecy 92 3:0
(25:18, 25:15, 25:19)
Štóž wolejbulowu scenu w Sakskej znaje, tón je hižo do hry wědźał, zo mějachu mužojo ST Viktorije jenož snadne šansy, ze swojeje jězby do krajneje stolicy k Motorej Mickten něšto wužitneho sobu domoj přiwjezć. „MoMi“, tak je skrótšene mjeno přećiwnika, bě w cyłej dotalnej sezonje jenož štyri sadźby přěhrał a steješe z běłym lacom a 39 dypkami z 13 hrow na čole tabulki sakskeje klasy. Lěpšina za Worklečanow pak bě, zo njemějachu absolutnje ničo zhubić.
Tak startowachu sebjewědomje a bjez ćišća do prěnjeje sadźby hry a móžachu hač do 18:15 poměrnje derje sobu dźeržeć. W zašłych hrach Viktorije dosć wuspěšny taktiski srědk tak mjenowaneje „rochady“ njepřinjese w tutym wokomiku bohužel žadyn efekt, tak zo móžachu domjacy swój předskok stabilizować a sadźbu 25:18 dobyć.
Tež w druhim přechodźe pokaza MoMi swoju wulkotnu hrajersku klasu. Spěšnje bě předskok z pjeć dypkami wuhraty, kotryž so hač do kónca sadźby samo hišće na dźesać dypkow powyši. Viktorianojo pak dale wojowachu.
Widźał, słyšał, napisał (17.03.25)
Awtor dźensa
Pětr Šołta
Sport (14.03.25)
Worklečanki hraja doma
Tabulkowa konstelacija we wobwodnej klasy Wuchodosakska lubi zajimawy hrajny dźeń we Worklecach. Najprjedy hraje druhe wolejbulowe mustwo holcow Viktorije Worklecy přećiwo Budyšankam (15.3., 10:00) a po tym přećiwo mustwu Nysa Volleys z Rózborka (15.3., 12:00). Rózborkčanki tabulku nawjeduja, Worklečanki steja na druhim městnje a Budyšanki na třećim.
19.03. 19:00 ST Bart –
ST Marijina hwězda (m)
19.03. 19:00 MSV Budyšin III –
ST Marijina hwězda (m)
Hnydom dwaj serbskej derbyjej
W Hórkach wotmějetej so njedźelu hnydom dwaj serbskej koparskej derbyjej. Najprjedy wočakuje rezerwa SJ Chrósćicy we wokrjesnej lize prěnje koparske mustwo ST Marijina hwězda a po tym hrajetej we wokrjesnej wyšej lize prěnjej garniturje SJ Chrósćicy a Sokoła Ralbicy/Hórki. Hižo jutře, sobotu, přewjedźe so we wokrjesnej klasy na sportnišću we Wulkich Zdźarach načolny duel mjez načolnikom z Wulkich Zdźarow a třećim tabulki SJ Njebjelčicy (15:00).
15.03. 14:00 Biskopičanske KT 08 –
BSG Wismut Gera
16.03. 11:00 HZ Wujězd / Łaz / Běły Chołmc – HZ Ralbicy II / Pančicy II
16.03. 12:30 SJ Chrósćicy II – ST Mariji- na hwězda (w Hórkach)
Dobra powěsć: Trenar Wollitz wostanje w Choćebuzu
Přiwisnicy FC Energije Choćebuz wjeselachu so pjatk na načolny duel w Saarbrückenje při wulkotnym nalětnim wjedrje a nadźijachu so wuspěšneho duela z towarstwom z Choćebuskeho partnerskeho města Saarbrückena.
Ale jako so hižo do hry powěsć wo podlěšenju zrěčenja roznjese, wubudźi to pola fanow FCE hoberske wjeselo. Na homepage FC Energije Choćebuz bu wozjewjene, zo šeftrenar Claus-Dieter Wollitz towarstwu po zakónčenju hrajneje doby 2024/25 dale jako trenar k dispoziciji steji.
Na wosebity wuznam termina wozjewjenja tutoho rozsuda pokaza koparska legenda VfL Bochuma Fabian Klos w pjatkownym interviewje w telewiziji. Klos praji, zo by towarstwo FC Energija Choćebuz we wuspěšnych tydźenjach hižo dołho kruće stejacy rozsud cyle prima mjez přiwisnikami roznjesć móhło. A doda, zo nětko, w tym wokomiku, hdyž je Choćebuz dwě hrě zasobu přěhrał, so wjednistwo FCE k Wollitzej wuznaje, zo by z nim tež do přichodneje sezony šoł. To pokazuje na jara dobru kwalitu zhromadneho dźěła wjednistwa towarstwa z trenarjom.
