Widźał, słyšał, napisał (10.03.25)
Montag, 10. März 2025
130
E-Paper: Serbske Nowiny 48
-
Schriftgröße
Schriftgröße verkleinern
Schrift vergrößern
Awtor dźensa Jan BoguszW minjenym času běše, kaž kóžde lěto, wěsta tema omniprezentna: póstnicy. Za někotrych je to najrjeńši čas lěta, mjenuja jón samo pjaty počas. Z wida fana kopańcy mam za zajimawe, na kotre wašnje wěste mustwa tutu tradiciju reprezentuja. Wosebje widźimy to w Porynskej, w městach kaž Kölnje, Düsseldorfje abo Mainzu, hdźež so karnewal we wulkim stilu swjeći. Tak wuhladach na přikład tež lětsa zaso w telewiziji zwjazkoweho ligista z Mainza, kotryž hraješe w napadnje pisanych trikotach. Tute buchu specielnje za karnewalowu sezonu zhotowjene. Při tym běchu fanojo w najwšelakorišich kostimach mustwo podpěrali. A kaž zo njeby to hišće dosahało, zaklinči kóždy króć, hdyž wrota padnu, tak mjenowany „Narhalla-Marsch“, to je w Mainzu jedna z najznaćišich karnewalowych štučkow. Tutu wothrawaja připódla prajene cyłu sezonu. Přičinow swjećenja maja tuchwilu dosć. Ze swojim danskim trenarjom Bo’om Hendriksenom, kotryž po dobytej hrě kaž tajki tornado po hrajnišću „lěta“, sćěhuje mustwo jasny kurs, so za europske městna kwalifikować.
Veröffentlicht in
Widźał, słyšał, napisał
Bitte anmelden, um einen Kommentar zu posten
