Wysoke kóšty sej knježerstwo a producenća wozydłow dźěla

Berlin (dpa/K/SN). W zwisku ze změnu energije je w Němskej jedyn z wažnych zaměrow, ručež móžno bencinowe resp. dieselowe awta wuměnić z elektriskimi. Po planje knježerstwa měło lěta 2020 cyły­ milion elektroawtow po puću być. Spočatk 2016 pak bě hakle 25 000 elektriskich a 130 000 hybridnych wozydłow registrowanych.­ Hłowny problem přechoda na elektromobilitu su poměrnje wysoka płaćizna tajkich awtow, přesnadny jich dosah (Reichweite) a nic naposledk přemało nabiwanskich stacijow.