Spěchowanske srědki Zwjazka a Sakskeje zmysłapołnje zasadźa

Zhorjelc (AK/SN). Wot Zwjazka a Swobodneho stata Sakskeje přewostajene srědki inwesticiskeho programa „Mosty do přichoda“ chce Zhorjelski wokrjes zaměrnje a zmysłapołnje zasadźić. Tole je komornik Thomas Gampe na minjenym posedźenju wokrjesneho sejmika připowědźił, po tym zo běchu wokrjesni radźićeljo dźěłowy plan programa wobzamknyli. Bě to zasadne wobzamknjenje. Wo jednotliwych­ naprawach chcedźa pozdźišo nadrobnje rozsudźić.