Njebjelčicy (SN). Iniciatiwna skupina za serbske­ ludowe zastupnistwo – Serbski sejm chce so na zakonskim zakładźe spěšnišo swojemu zaměrej zbližić: wu­tworić Serbski sejm. Kaž informuje rěčnik iniciatiwy Alfons Wićaz w nowinskej zdźělence, je cyłk na swojej sobotnej klawsurje w Njebjelčicach, na kotrejž so tež zapósłanc Sakskeho krajneho sejma Hajko Kozel (Lěwica) a předsyda Drježdźanskeho towarstwa „Stup dale“ dr. Andreas Kluge wobdźělištaj, wobzamknył, hač do lěća 2017 załožić předparlament. Žane dołhe powědanje hižo a čakanje na politiske­ rozsudy, běše měnjenje přitomnych.