Berlin (dpa/SN). Po tym zo mějachu w Bangladešu w zašłych tydźenjach krawne protesty, starosća so modowa branša w Němskej nětko wo z toho wurosćace problemy. Bangladeš je mjenujcy druhi najwjetši partner importa drastow do Němskeje. 2023 dowožowachu twory z hódnotu někak 7,1 miliardow eurow do kraja. Strach nětko hrozy, zo bywaja drasty w kupnicach dróše.

Duelej přihłosowałoj

Washington/Palm Beach (dpa/SN). Kandidataj za zastojnstwo prezidenta USA Donald Trump a Kamala Harris chcetaj so w septembrje prěni raz w telewiziji duelěrować. Telewizijny sćelak ABC, kotryž budźe duel wusyłać, zdźěli, zo staj wobaj do debaty 10. septembra přizwoliłoj. Termin běštaj sej do toho hižo Trump a Joe Biden wotrěčałoj, nětko pak je Harris naslědnica a Trump njebě so dołho wuprajił, hač so přiwšěm na debaće wobdźěli.

Nadpad Ukrainy na lětanišćo