Domowina je třeći wólbny forum wčera w Malešecach přewjedła

Malešecy (SN/at). Ze sydom direktnje kandidowacymi wólbneho wokrjesa 56/ Budyšin 5 za wólby Sakskeho krajneho sejma je so moderator Jakub Wowčer wčera w Malešecach do rozmołwy dał. Třeći wólbny forum Domowiny měješe dobry wothłós, wjace hač 50 zajimcow je do hosćenca „Wódny muž“ přichwatało. Poskićeny simultany přełožk do němčiny, kotryž je Jan Měškank zaručił, mnozy na žurli rady wužiwachu. Próstwu moderatora, mjezsobu z respektom wobchadźeć a tamneho wurěčeć dać, su kandidatka a kandidaća na podiju kaž tež publikum cyłe zarjadowanje sćěhowali.