Berlin (dpa/SN). Předsydstwo Zeleneje młodźiny wopušći stronu a chce swójske lěwicarske hibanje załožić. Hłowna přičina je njespokojnosć młodych ludźi hladajo na politiku, kotruž je strona Zelenych w amplowej koaliciji z SPD a FDP praktikowała. Němska trjeba „politisku móc, kotraž za to wojuje, hospodarstwo skónčnje do słužby ludźi stajić“, a so wo jich problemy starać, rěka w stejišću dźesać čłonow předsydstwa dorostoweje ­organizacije Zelenych.

Předsydka Svenja Appuhn rjekny powěsćerni dpa, zo su čłonojo předsydstwa stronu wo swojim wustupje ze strony informowali. „Wjele lět smy spytali, Ze­lenych na socialnu móc sčinić, kotraž dawa ludźom zaso nadźiju.“ Dokelž pak so w stronje za to žana wjetšina njenamaka, su so za wustup ze strony rozsudźili.