Hłowna zhromadźizna Serbskeho ewangelskeho towarstwa so wotměła

Njeswačidło (SN/mb). Wosadna žurla w cyrkwi bě połnje wobsadźena, jako Handrij Wirth čłonow Serbskeho ewangelskeho towarstwa (SET) na lětušu hłownu zhromadźiznu wčera, na reformaciskim dnju, do Njeswačidła witaše. Na samsnym městnje bu towarstwo před 30 lětami załožene. 30 wot 51 čłonow bě přichwatało, zo bychu rozprawu předsydy Mata Krygarja wo dźěławosći zašłeho ­lěta słyšeli, wo wuhladach do přichoda diskutowali a so na wjerški minjenych třoch lětdźesatkow dopominali.