Městopředsyda Domowiny: Kulturnu a kubłansku awtonomiju zawjesć!

Podstupim/Choćebuz (SN/mb). „Wužijće swój hłós, zo bychu serbske naležnosće dale w parlamenće kedźbnosć nadešli a kulturne hódnoty přisprawnje zastupjene byli.“ Z tutymi słowami prezidentka braniborskeho krajneho sejma prof. Ulrike Liedtke (SPD) póndźelu Serbow namołwješe, so na wólbach serbskeje rady wobdźělić. Hač do 8. hodownika móža so ludźo hišće do lisćiny wolerjow zapisać dać, čas listowych wólbow so tydźeń pozdźišo skónči (dokładne informacije: wolba-serbska-rada.de). Wupytać maja wolerjo pjećoch z dźesać kandidatow.