Chaotiske poměry w Damaskusu – azylowe jednanja přetorhnjene

London/Damaskus (dpa/SN). Hladajo na połoženje w Syriskej stej Wulka Britaniska a Italska wšitke azylowe jednanja za ludźi z tutoho kraja přetorhnyłoj. Z tym slěduja zamołwići přikładej druhich ­europskich partnerow, rjekny italska ministerska prezidentka Georgia Meloni. Do toho bě so Meloni z ministrami knježerstwa zetkała. Rěčnik britiskeho nutřkowneho ministerstwa tohorunja zdźěli, zo nastupajo próstwy wo azyl najprjedy raz čakaja. „Runočasnje tuchwilne połoženje pruwujemy“, w Londonje rěkaše.

W Němskej bě zwjazkowy zarjad za migraciju a ćěkancy hižo wčera wšitke rozsudy nastupajo próstwy wo azyl z arabskeho­ kraja zadźeržało.