Berlin (dpa/SN). Nowy financny minister Jörg Kukies (SPD) ma reformu borzdźidła zadołženja za njewobeńdźomnu. W koronakrizy měješe wona drje pozitiwne wuskutki, rjekny wón nowinarjam. Mjeztym pak su so trěbne inwesticije runjewon nakopili. „Kóždy tole widźi.“ Mosty, pěstowarnje a šule su lětdźesatki snadnych inwesticijow dla ćerpjeli. Tole chcył Kukies nětko změnić. Borzdźidło pak inwesticije haći, dokelž nowe kredity jenož we wobmjezowanej měrje dowola.

Ruske truty na Ukrainu

Kijew (dpa/SN). Ruska je Ukrainu wčera wječor znowa z trutami nadběhowała. Ukrainski powětrowy škit rozprawja wo wjacorych rojach trutow, kotrež so ze wšelakich směrow bližachu. Truty swój směr stajnje zaso změnja, zo bychu ukrainske wójsko přežadali a zamylili. Hłowny zaměr ruskich nadpadow je, moralku Ukrainjanow podrywać, je sej nawodnistwo wójska wěste.

Tesla wostanje optimist