Kathrin Michel kandiduje znowa za wólby do zwjazkoweho sejma
Budyšin (SN/MiP). Wjele chwile za wólbny bój Kathrin Michel lětsa nima – hižo 23. februara budu wólby do zwjazkoweho sejma. W Baršću rodźena politikarka, kotraž ze swójbu w Kamjencu bydli, je direktna kandidatka strony SPD za wólbny wokrjes 155 – Budyšin 1. Přidatnje wobstaruje wona tež Zhorjelski wokrjes 157 za swoju stronu, „dokelž tam mandat nimamy“, praji 61lětna politikarka, kotraž jako zapósłanča wot lěta 2021 Łužicu w zwjazkowym sejmje zastupuje.
