Mjeńšinowa rada kandidatow wólbow zwjazkoweho sejma přeprosyła

Berlin (SN). Mjeńšinowa rada je zašły štwórtk digitalnu wuměnu ze zapósłancami zwjazkoweho sejma a kandidowacymi k wólbam zwjazkoweho sejma zarjadowała. Přeprošeni běchu čłonojo poradźowacych­ wuběrkow za prašenja danskeje mjeńšiny, Frizow, Serbow, němskich Sintow a Romow kaž tež delnjoněmskeje rěčneje skupiny. Nimo toho přeprošeni běchu direktni kandidaća z wólbnych wokrjesow sydlenskich rumow mjeńšinow. Zastupjerjo stronow Zelenych, SPD, FDP, CDU a Lěwicy su přeprošenju slědowali.