Zo tema prawicarskeho ekstremizma ludźom pod nochćemi pali, wo tym swědčeše wčera wječor wulka ličba zajimcow w kulturnym domje w Nowoslicach. Nimo staršich běchu sej mnozy serbscy wučerjo a kubłarjo tam dojěli. Dobrych 60 ludźi sćěhowaše přednošk na temu „Prawicarske prudy we Łužicy. Što woznamjenja to za našu młodźinu, dźěći a wnučki?“, kotryž běštej župa Michał Hórnik a Nowosličanska wjesna rada krótkodobnje organizowałoj.

Nowoslicy (SN/Žu). Christian Schäfer z Kulturneho běrowa Sakska poda přehlad wo antidemokratiskich skupinach a organizacijach, jich codach a znamjenjach a wo wašnju, kak wosebje młodostnych za sebje zdobudu.