Železniske čary wutwarić
Drježdźany (dpa/SN). Do jutřišich němsko-pólskich knježerstwowych konsultacijow w Berlinje tłóča železnicarjo wobeju krajow na spěšny wutwar přezmjezneho železniskeho wobchada. „Dalše wuwiće dobrych poćahow mjez susodomaj měł wutwar wobchadnych zwiskow přewodźeć“, žadaše sej wčera rěčnica iniciatiwy Němsko-pólski wosobowy wobchad na kolijach (KolejDEPL) Anja Schmotz. Zdobom warnowaše wona před dalšim dlijenjom, zwoprawdźić formulowane zaměry loni přewjedźeneho němsko-pólskeho železniskeho wjerška.
Wutwar a elektrifikacija čary mjez Drježdźanami, Zhorjelcom a Wrócławjom kaž tež čarow Berlin–Angermünde–Szczecin a Choćebuz–Zhorjelc měłoj so w zwjazkowym wobchadnym planje hač do lěta 2030 jako prěnjorjadna potrjeba zakótwić. Tele projekty nimaja tuchwilu žane wulke wuhlady, dokelž so zwjazkowe wobchadne ministerstwo dliji je zwoprawdźić.
Přezmjezny železniski wobchad je centralneho połoženja Němskeje a Pólskeje w Europje dla jara wažny.
Rentowy wjeršk
Pojědźe k Putinej
Dźěći bjez prawow
Požčonki kupować
Orientacija dale a wažniša
Aue (B/SN). Wot 8. do 12. junija wotmě so w Aue 49. konferenca cyrkwinskeho parlamenta Ewangelsko-metodistiskeje cyrkwje we wuchodnej Němskej. 150 delegatow ze Sakskeje, Durinskeje a Saksko-Anhalskeje so na njej wobdźěli. Pod hesłom „Orientacija w njepřewidnym času“ maja z konferency wuńć „sylne wobsahowe impulsy“ za docpěće noweje jasnosće a zahoritosće za dalši puć našich wosadow“, rěka w programowym zešiwku. Ewangelsko-metodistiskej cyrkwi mjez Erfurtom a Žitawu, Dessauwom a Plauenom přisłuša 14 000 wěriwych w 120 wosadach.
Hrónčka korana rozhorjeja
Athen (B/SN). Wšědne čitanja z korana w islamskim póstnym měsacu ramadan křesćanow rozhorja. Turkowska telewizija TRT Diyanet recitacije rano w dwěmaj wusyła. Grjekske wonkowne ministerstwo kritizuje turkowske zarjady z wótrymi słowami a mjenuje islamske modlitwy w swětowym herbstwje kultury na spočatku ramadana jako akt bjez respekta.
Koncil so skónčnje wotměwa
To a tamne (21.06.16)
Dwaj na noze zranjenej baćonaj dóstanjetej hightech-protezy. Jedyn baćon bě sej nohu po wšěm zdaću we wudźenskej šnórje zadźernył, tamny je do milinoweho sćežora zrazył. Kaž jednaćel baćonjaceho dwora w saksko-anhaltskim Loburgu Michael Klaatz zdźěli, móhłoj protezy z titana abo z pomocu 3D-ćišćaka zhotowjenej być. Potom móhli jej na přikład z magnetom baćonjomaj zasadźić. Najručišo chcedźa so fachowcy za doskónčnu wariantu rozsudźić, zo bychu wbohimaj ptakomaj pomhali.
Koala Oobi-Ooobi z Lipšćanskeho zwěrjenca jako EM-orakel wotstupi. Dwójce bě „njestronski Awstralčan“ wopačny tip za němske koparske mustwo wotedał a bul do wopačnych wrotow kulił. Jako sportowsce fairny přěhračk přewostaji wón oraklowanje radšo druhim a wěnuje so nětko zaso eukalyptusowym łopjenam.
Nadpadaj w Afghanistanje
Kabul dpa/SN). Při nadpadźe na wikach w afghaniskej prowincy Badachshan je znajmjeńša wosom ludźi žiwjenje přisadźiło. Tole wobkrući dźensa rěčnik guwernerskeho palasta Nawid Frotan. Dalše 30 wosobow so zrani. Ličba mortwych pak móhła hišće dale rozrosć. K skućićelam dotal žane informacije njepředleža. Při dalšim nadpadźe talibanow dźensa rano na bus w Kabulu je 14 ludźi zahinyło.
China mócnje protestuje
Peking (dpa/SN). China je z mócnym protestom na najnowši podawk w juhochinskim morju reagowała, při kotrychž su łódźe indoneskeho wójska chinskich rybarjow přesćěhali a na nich třěleli. China tajku eksesiwnu namóc zasudźa, zdźěli dźensa rěčnik jeje wonkowneho ministerstwa. Kaž statna powěsćernja Xinhua informuje, sta so minjeny pjatk njelubozny podawk, při kotrymž so jedyn rybar zrani, sydom dalšich je indoneske wójsko zajało.
Financy biskopstwa wozjewili
