Młode talenty hudźili

Montag, 09. Januar 2017
Artikel bewerten
(0 Stimmen)
Hromadźe ze solistami, małym orchestrom a młodymi hudźbnikami Chróšćanskeje wosady je Chróšćanski cyrkwinski chór pod nawodom Bernadett Hencyneje wčera we wosadnej cyrkwi swój hodowny koncert přednjesł.  Foto: Feliks Haza Hromadźe ze solistami, małym orchestrom a młodymi hudźbnikami Chróšćanskeje wosady je Chróšćanski cyrkwinski chór pod nawodom Bernadett Hencyneje wčera we wosadnej cyrkwi swój hodowny koncert přednjesł. Foto: Feliks Haza

Hodowny koncert Chróšćanskeho cyrkwinskeho chóra z naročnej twórbu

Chrósćicy (SN/MWj). Hinak hač mnohe druhe chóry, kotrež swojich připosłucharjow často w adwenće na koncert přeprošeja, čini to Chróšćanski cyrkwinski chór hižo něšto lět spočatk januara, hdyž wuhotuje we wosadnej cyrkwi swój hodowny koncert. Wčera je wón znowa wjele lubowarjow chóroweje a instrumentalnje hudźby přiwabił, tak zo bě Boži dom derje pjelnjeny. Po wupruwowanej tradiciji zapřija do swojeho koncerta znowa młodych hudźbnikow z Chróšćanskeje wosady. Při witanju wosadny farar Měrćin Deleńk rjekny, zo hudźbne ćěleso z tajkim koncertom swoje prawidłowne zwučowanja w běhu lěta skulojća.

Veröffentlicht in Kultura
Bitte anmelden, um einen Kommentar zu posten

Chróšćan Šulerjo

Neuheiten LND