HZ Hórnikečanski jězor/Ćisk – Sokoł Ralbicy/Hórki 0:4 (0:1)

Za Ralbicy zasadźeni: Strelow – Statnik, M. Žur, Matka, Bjeńš, Šołta, Schultz, Brückner, S. Žur, Jakubaš, Čornak, Krawc, Serbin, Šwejda, Brězan

Njedawno nachwatachu Sokoljo z Ralbic we wólnočasnej koparskej lize Zapadołužiskeho koparskeho zwjazka hišće wustejacu dypkowu hru přećiwo HZ Hórnikečanski jězor/Ćisk. Hosćićel steješe a steji w tabulce na dobrym třećim městnje, Sokoljo pak na předposlednim. Skónčnje stejachu mustwowemu nawodźe Ralbičanow tež zaso dosć hrajerjow k dispoziciji. Tak bychu na wulkim hrajnišću hrać móhli. Domjacy pak mějachu ćeže mustwo hromadźe dóstać. Znowa dyrbjachu tuž po norwegskim modelu hrać. To rěka, zo steja jedne wrota na šěsnatce a hraje so z wosom pólnymi hrajerjemi.