Wolejbulisća Serbskeho gymnazija Budyšin (SGB) steja w cyłkownym wokrjesnym hódnoćenju šulow we wubědźowanju „Młodźina trenuje za olympiju“ ze štyrjomi prěnimi, třomi druhimi a jednym třećim městnom znowa na čole.
Minjene tři měsacy knježeše pjatk popołdnju w sportowni Serbskeho šulskeho a zetkawanskeho centruma Budyšin sylne wobdźělenje na treningu. Šulerjo wjacorych lětnikow přihotowachu so na třoch hrajnišćach na wokrjesne kónčne koła we wolejbulu, kotrež wotměwaja so pod hesłom „Młodźina trenuje za olympiju“. Wukónc wurisanjow bě z wida SGB znowa zwjeselacy.
