Sokoł Ralbicy/Hórki –

Natwar Němske Pazlicy 4:1 (1:1)

po třělenju jědnatkow

Zestawa domjacych: Chr. Gloxyn – An. Wałda, Al. Wałda, Schultz, M. Matka, D. Gloxyn, Šewc (88. P. Šołta), Korjeńk, Rachela (67. Rawš), Kř. Bejmak (67. Kurjat), Domaška

Srjedu wječor na dnju do Božeho spěća so w Ralbičan stadionje hač do nocy swjećeše, wšako dobychu domjacy dramatiski połfinale wokrjesneho pokala hakle po třělenju jědnatkow.

Prěni wjeršk čakaše na hrajerjow a přihladowarjow hižo do hry, jako bě jasne, zo budźe Richard Hempel połfinalny duel sudźić. 25lětny njestronski z Großnaundorfa je lětsa hižo tři hry w druhej zwjazkowej lize hwizdał a je hewak w třećej lize po puću. Po hrě akterojo wobeju mustwow wobkrućichu, zo běše sudniski wukon wurjadny. W žanej fazy tutoho napjateho duela njeknježeštej na hrajnišću hektika abo njefairnosć.