Sokoł Ralbicy/Hórki –

HZ Łaz/Běły Chołmc 8:0 (4:0)

Zestawa domjacych: Chr. Gloxyn – Matka, Schultz, An. Wałda, A. Wałda, Rachela (67. Šiman), Rawš, Korjenk, D. Šołta (56. M. Kurjat), D. Gloxyn, Domaška (7. P. Šołta­)

Po přesłapjacych wukonach přećiwo mustwam z pincy tabulki chcychu chowancy trenarja Tomaša Henčla skónčnje zaso dobru kopańcu hrać. Zdobom běše partija přećiwo HZ Łaz/Běły Chołmc po­slednja domjaca hra sezony. We Łazu běštej sej mustwje dypkaj dźěliłoj, w štwórć­finalu wokrjesneho pokala pak Sokoljo wysoko z 9:0 dobychu. Sprawnje ma so tu napisać, zo tehdy pola přećiwnika kopica stajnych hrajerjow pobrachowaše. Njedźelu běše to hinak. Zdaše so, zo stejachu nimale wšitcy hrajerjo trenarjej Waldemar Adamowiczej k dispoziciji.