Prěni festiwal Witaj dohromady něhdźe 300 wopytowarjow přiwabił

Miłoćicy (SN/bn). Wuspěch loni při Miłočanskej skale wuhotowaneho „Witaj-koncerta“ bě hudźbnikej Jakubej Čornakej z pohonom, wutworić na samsnym městnje dwudnjowski, sparty přesahowacy festiwal pod hołym njebjom. Minjeny kónc tydźenja dožiwi dohromady něhdźe 300 wopytowarjow premjeru festiwala Witaj, zwoprawdźeneho mjez druhim z podpěru Łužiskeho instituta za strategiske poradźowanje a spěchowaneho wot Załožby za serbski lud.