Zhorjelc (SN/bn). Z něhdźe 60 zarjadowanjemi w dźesać spartach, wosom originalnymi produkcijemi a 22 wupředatymi předstajenjemi bě pjaty Łužiski festiwal pod hesłom „Anderselbst – To druhe ja“ dotal najwuspěšniši. Něhdźe 60 procentow wopytowarjow pochadźeše z Łužicy. Cyłkownje bě festiwal k 85 pro­centam wućežowany, štož woznamjenja dohromady něhdźe 10 000 hosći „na wosebitych, zdźěla prawidłownje njewobhratych hrajnišćach. Tele parlički Łužicy do fokusa stajić słuša k hłownym na­dawkam festiwala“, zarjadowarjo w swojej bilancy wuzběhuja.