Budyšin (SN/BŠe). Z nowym projektom „kulturu: dožiwić“ móža dźěći a młodostni kaž tež šule a pěstowarnje kulturneho ruma Hornja Łužica-Delnja Šleska profitować. Jelizo kulturne poskitki w regionje wužiwaja, móža próstwu stajić a pjenjezy za jězbne wudawki wróćo dóstać. Tole zmóžnja nowa kooperacija mjez zaměrowym wobchadnym zwjazkom ZVON a kulturnym rumom.

Předewšěm kubłanišćam je tole dobra móžnosć, wšelake poskitki wužiwać. Nimo wobohaćenja šulskeje wučby je tež dalšich přiležnosćow, kotrymž kooperacija mjez ZVON a kulturny rumom tyje. Hdys a hdys wšak tež hodźiny wupadnu a tuž móža šule mjez druhim kulturne poskitki wužiwać a swobodny čas zmysłapołnje z wopytom muzeja abo dźiwadła wudospołnjeć, kulturny rum w zdźělence wopisuje. W kónčinje je wjele kulturnych poskitkow a často je ćežko zarjadnišća wot kubłanišćow sem dosćahnyć.