Budyšin (SN/bn). „Andrzej Sharan – wěčne pućowanje. Barba a słowo w twórbje ukrainskeho wuměłca Andrija Šarana“ rěka přichodna wosebita wustajeńca Budyskeho Serbskeho muzeja. Přehladka wopřijima akrylowe mólby a lyriku Šarana w originalnej ukrainšćinje kaž tež w serbskim, němskim a pólskim přebasnjenju. „Wzdawamy so wědomje dalšich komentarow, wobrazy a poezija rěča za sebje“, kurator přehladki a zastupowacy direktor muzeja Jędrzej Soliński we wobłuku wčerawšeje nowinarskeje rozmołwy rozłoži.