Pućować po Bórkowach

Bórkowy. Turistiska informacija w Bórkowach poskići zajimcam jutře, sobotu, wodźene zymske pućowanje po Bórkowach. Při tym sposrědkuja wobdźělnikam „informacije wo serbskich zymskich tradicijach, kaž mjez druhim wo nałožkach w adwentnym času, wo přazy a zapusće kaž tež wo starych přiwěrach“. Čara je něhdźe kilometraj dołha, po njej stej horce wino a punš na předań. Pućowanje započnje so w 13.30 hodź. a startuje při informaciji. Popłatk na wosobu wučinja 12 eurow, za dźěćo młódše hač jědnaće lět płaći wobdźělenje 5 eurow.

Zymske ptački ličić

Běła Woda. Přirodoškitna stacija Mužakowska hola namołwja zajimcow, so zajutřišim, njedźelu, na ličenju zymskich ptačkow při Běłowodźanskim Jahnowym jězoru wobdźělić. Za to njech přichwataja – rady z dalokowidom – w 9 hodź. na parkowanišćo tamnišeho zwěrjenca. Po ličenju, kotrež ma něhdźe hodźinu trać, změja składnosć, so we wuknjenskej dźěłarni „Natur im Teichpark“ zwohrěwać, zezběrane daty hromadu wjesć a wuhódnoćić. Popłatk na wosobu wučinja 3 eura a wopřijima zastup do zwěrjenca.

Wo Budyskim wobtwjerdźenju