Hajenje a wobchowanje serbskich tradicijow njeje nowa tema, ale dale a bóle z podźělom aktualneje debaty. Mira Dubian měni w swojim předsłowje k tomu „jano gaž swěśiš swóje nałogi tak, ako ty napšawdu sy, jo to awtentiske“. Što a štó ju zmócnja, swoje serbske korjenje njechowajo so před krutym wokom němskeho (a hišće njesmilnišim serbskeho) wobswěta po swojej woli pokazać? Dale skići rozmołwa w nowym Rozhledźe dohlad do myslow a žiwjenja medijoweho wuměłca a materialoweho wědomostnika Bernharda Schippera, z kotrymž je so dr. Theresa Jacobsowa rozmołwjała. Wón je sobuzałožer skupiny NSK – Neue sorbische Kunst, kotraž bě so lěta 1974 skonstituowała. Na jadriwe a žiwe wašnje rěči wo wotrosćenju w Budyšinje a pozdźišich žiwjenskich stacijach, wo swojim zwisku z wuměłstwom a swojich začućach nastupajo Łužicu, kaž na přikład wo tehdyšich planach znowanatwarjenja Bismarckoweho pomnika na Čornobohu. Hač do dźensnišeho je ze swojim tworjenjom w Lipsku a mjezynarodnje wuspěšny – w Hornjej Łužicy pak nic. Składnostnje 500.