Horca faza so dźensa zahaji
W štwórćfinalu soni hišće wosom mustwow wo titul koparskeho europskeho mištra.
Hižo 44 z 51 hrow championata je so přewjedło. Mjeztym ma jenož hišće wosom mustwow šansu triumfować. Za wulki zaměr, Pokal Henrija Delaunayja do wysokosće zběhnyć, dyrbja pak najprjedy štwórćfinale zmištrować, wšojedne hač po 90 mjeńšinach, w podlěšenju abo hakle w třělenju jědnatkow.
Hosćićel Němska ma zazběhowu hru štwórćfinala. Njeporaženej wubrance z Němskeje a Španiskeje dźensa we 18 hodź. nastupitej, doniž so wječor w 21 hodź. rewanša za finale lěta 2016 mjez Portugalskej a Francoskej njewotměje.
Jutře we 18 hodź. wojuje Jendźelska w prěnjej sobotnej hrě přećiwo Šwicarskej wo předposlednje z požadanych městnow za koło poslednich štyrjoch. Štwórty połfinalny wobdźělnik wuchadźa z partije mjez Nižozemskej a Turkowskej. Zakop k zakónčenju štwórćfinalnych hrow budźe w 21 hodź.
Sport (05.07.24)
Bičwolejbul při jězoru
Tak mjenowany 14. Beachcup přewjedźe so jutře, sobotu, a zajutřišim při Bjerwałdskim jězoru. Zarjadowar budźe zapisane sportowe towarstwo Sportowi přećeljo Bjerwałdski jězor z.t. Přizjewjenja su dźensa hišće hač do połnocy móžne, a to pola nawody wubědźowanja Michaela Meltzera pod 0173 9585973 abo . Hrać budźe so tam po modusu kóždy přećiwo kóždemu. W mustwje ma znajmjeńša jedna žona aktiwnje sobu hrać.
Satkulabičtura startuje
Po Europeadźe je do Satkulabičtury. Młodźina změni wot zeleneho trawnika do žołteho pěska. Tež lětsa přewjedźe team Radija Satkule serbskeho młodźinskeho sćelaka MDR swoju bičwolejbulowu turu. Start budźe póndźelu w Ralbicach. Mustwa zetkaja so stajnje w 17.30 hodź., hrać budźe so potom wot 18 hodź.
08.07. Ralbicy
15.07. Jaseńca
22.07. Róžant
29.07. Kulow
05.08. Njebjelčicy
12.08. Chrósćicy
19.08. Konjecy
26.08. Miłoćicy
Dumpersport w Hórkach
W Hórkach wubědźuja so 27. a 28. julija zaso dumpery. Sobotu wot 16 do 17.30 hodź. přewjedźe so techniske přepruwowanje dumperow přez firmu DEKRA a po tym sćěhuja wot 18 hodź. prěnje kwalifikaciske běhi. Program njedźelu:
Wróćozhladowanje na sezonu Módro-běłych Kulow a wid do přichoda
Z rozprawu Tobiasa Nowaka, hłowneho rozprawjerja prěnjeho koparskeho mustwa sportoweho towarstwa Marijina hwězda, bě so po koparskej sezonje 2023/2024 rjad wróćozhladowanjow za minjenu hrajnu dobu zahajił. W přichodnych tydźenjach nima pak so jenož wróćo, ale tež hižo kusk do přichoda hladać. Werner Müller je so tuž z trenarjom prěnjeho koparskeho mustwa Módro-běłych Kulow Stephanom Pruchu rozmołwjał.
Kak běžeše sezona 23/24, što bě pozitiwne, štož bě negatiwne a čehodla?
W Šwicarskej 5. městno docpěli
Hrajny plan pjatk, 5. julija
MUŽOJO
połfinalnej hrě
hry wo zaměstnjenja
ŽONY
hra wo městno 3
hry wo zaměstnjenja, mjez druhim
Serbske mustwo – Les Ladines
Serbska wubranka muži je so dotal na wšitkich Europeadach wobdźěliła. Při premjernym turněrje 2008 w Šwicarskej docpě 5. městno. Tak rěka prawa wotmołwa na druhe prašenje kwisa SN. Wo myto pokerkarty z wobličemi Serbskeho mustwa móže so Jurek Thiemann z Budyšina wjeselić, wo knižku fanow Gabriel Mikławšk ze Serbskich Pazlic.
Dobre a špatne stronki EM
Tuta EM pisa dotalnje nimale jenož pozitiwne stawiznički. Skupinske hry a wosmifinale su wuhrate, wot jutřišeho pjatka dźe ze štwórćfinalnymi hrami do horceje fazy turněra. Nimo sportowych wjerškow wubranki DFB, předewšěm fanojo ze wšěch krajow města a ludźi zakuzłuja.
51 738 přihladowarjow přichwata přerěznje w skupinskej fazy k hram do stadijow. Wosebje w srjedźišću pak steja fanojo susodneho kraja. Němska je tróšku Oranje. Fanowe marše Nižozemjanow su absolutny spektakl. Na jich hrajnych dnjach přeměnichu naši susodźa dróhi do oranžojteje błudnicy. „Naar links, naar rechts“ – nižozemski spěw je hižo nětko EM-wuchač. Hinak hač při druhich zarjadowanjach nimaja za hry EM papjerjane tikety. Tikety steja jenož digitalnje přez app UEFA k dispoziciji.
Nimo zastupa do stadiona je wěstosć wšěch wobdźělnikow, za fanow, hrajerjow a sobudźěłaćerjow, to najwažniše. 335 000 policistow ma EM dla zakaz dowola. Woni wukonjeja wulkotne dźěło. Hač dotal njeběchu žane wjetše wukročenja, přihladowarjo čuja so wěsći.
Nižozemska doby prěnju k.o.-hru při EM po 20 lětach
Nižozemske narodne koparske mustwo steji w štwórćfinalu europskeho mišterstwa w Němskej. W Mnichowje doby Nižozemska 3:0 přećiwo Rumunskej přez wrota Cody Gakpowa a dwoje Donyella Malena. Je to prěnje dobyće w k.o.-hrě, pola EM, po lěće 2004. Tehdy zwrěšći Oranje hakle w połfinalu na Portugalskej. W štwórćfinalu steješe Nižozemska drje tež 2008, tehdy pak hišće wosmifinale njeeksistowaše. Rumunska wubranka njeje při EM hišće ženje finalnu partiju dobyła.
Lochke přestajenje w zestawje pomhaše nižozemskej hrě. Spěšnišo, hač hišće w skupinskej fazy, přizemi bul w strašnych pasmach. Nawjedowanje docpě Oranje z wobhladanja hódnej jednotliwej akciju Gakpowa. Na lěwym boku w šěsnatce wuhra wón Andrei Rațiua a třěli z kónčkojteho kuta na krótki róžk. Twjerdu třělwu njemóžeše rumunski wrotar Florin Nițı wotwobarać (20.).
Wulkotni fanojo a njezbožowne rozsudy sudnikow
Serbske mustwo –
Němcy z Hornjeje Šleskeje
1:3 (0:0)
Na rozsudnym třećim hrajnym dnju w skupinje B lětušeje Europeady podachu so serbscy koparjo znowa do Sewjerneje Friziskeje do městačka Bredstedt, hdźež hrajachu přećiwo FC DFK Hornja Šleska. Dopołdnja bě so team wokoło trenarjow Franka Ričela a Svena Ballacka k treningej zhromadźił, zo by mjez druhim tež poslednje taktiske nastajenja za hru přećiwo najćešemu přećiwnikej skupinskeje fazy zwučował.
Popołdnju w Bredstedće wjace hač 400 serbskich fanow mustwo wjesele powita. Woni postarachu so wo absolutnje jónkrótnu atmosferu a podpěrachu swoju jědnatku hač do poslednjeje minuty jara wótře. Z Janšojc bě ekstra cyły bus połny fanow přijěł. A tež serbske žónske mustwo muži energisce podpěraše.
Porno hrě dźeń do toho namakachmy na wosom pozicijach čerstwe mjezwoča. Tak hraješe Lucas Lehmann w nadběhu a tež zestawa w škiće bu přez trenarski zapřah přećiwnikej přiměrjena.
Nowe prašenje w kwisu SN
Wuslědki
MUŽOJO
Serbske mustwo – FC DFK Hornja
Šleska 1:3
Hrajny plan štwórtk, 4. julija
MUŽOJO
štwórćfinalne hry: Słowacy w Madź. – Okcitanojo, Team Koroška – Južny Tirol, Južni Serbja w Chorw. – Južny Schleswig, FC DFK Hornja Šleska – Friûl
wo městna 9-12: Aromunojo – Serbja
ŽONY
połfinale: Team Koroška – Južny Tirol, Sewjerna Friziska – Južna Schleswigska
zaměstnjenja: Serbske mustwo – Sewjerna Schleswigska, Retoromanki – Serbske mustwo
Hdźe bě so finalna hra Europeady 2012 we Łužicy woměła?
Hrajna přestawka žonow
Po prěnjej hrajnej fazy předkoła mějachu koparki serbskeho mustwa wčera hrajnu přestawku a wočaknychu wuslědki na zbytne hry. Wot dalšich rezultatow partijow bě wotwisne, hač tola do połfinala zaćahnu. W swójskej skupinje C je Sydslesvig na Les Ladines 3:2 hrało. Z tym zaměstnichu so Serbowki na suwerenym druhim městnom z třomi dypkami. Naposledk njeje za połfinale dosahało.
Hrajny modus nastupajo dalše hry je slědowacy: Hraje so kóždy přećiwo kóždemu. Na dwěmaj dnjomaj so hry wo dokónčne zaměstnjenje wuhraja. Jutře, štwórtk, nastupja žony přećiwo Sewjernej Schleswigskej a Las Rumantschas. Pjatk hraja přećiwo FC DFK Hornja Šleska a znowa přećiwo Les Ladines. Wšitke partije wuhraja so jenož w jednym połčasu, potajkim jenož 45 mjeńšinow.
Dźeń startowachu z rańšim sportom. Po snědani podachu so do Husuma, zo bychu sej Sewjerne morjo a městačko wobhladali. Wot tam jědźechu do Bredstedta serbskich koparjow podpěrać. Po hrě slědowaše zhromadny fanowy wječor, hdźež dóstachu přiwisnicy awtogramy koparkow a koparjow. Tereza Wićazowa
Prěnje dobyće žonow na Europeadźe so poradźiło
Harrislee/Niebüll (SN/MkWj). Dwójny wuspěch za serbsku wubranku: Wobě mustwje stej swoju wčerawšu hru dobyłoj, mužojo 4:1 a žony 2:1.
