Wulki bój wo wobwodne mišterstwa młodźiny U18 dožiwili
Po tym, zo hrajachu sobotu mužojo prěnjeho zastupnistwa Viktorije Worklecy w swójskej hali, mějachu njedźelu ći młodźi šansu pokazać, što su hač dotal w treningu nawuknyli. Tak wjedźeše jich puć hižo rano do Žitawy, hdźež měrjachu so ze šěsć dalšimi mustwami wo najlěpše muske dorostowe mustwo U18 wuchodneje Sakskeje.
Prěni přećiwnik dnja běše znaty cyłk z Wojerec. Hižo zašłu hrajnu dobu hraještej młodej mustwje napjaty wolejbul přećiwo sebi. Tež tutón raz zetkaštej so na samsnej runinje. Prěnju sadźbu móžachu Młodźi dźiwi za sebje rozsudźić, druhu sadźbu snadnje wotedachu. W tie-breaku pak běchu tutón raz Worklečenjo ći, kotřiž sylniše čuwy mějachu.
W druhej hrě dnja dóstaštaj hnydom dwaj hrajerjej, kotrajž rotaciski system mustwa dotal hišće trenowałoj njejstaj, šansu so na polu wopokazać. Jan Matka a Dominik Hajna zasadźištaj so na wažnej poziciji wonkowneho přiwzaća a nadawk derje zmištrowaštaj. Byrnjež nastał z tutej změnu tu a tam njeměr na polu, móžeše so Worklečanske mustwo tež w tutej hrě přećiwo Mittelherwigsdorfej jasnje z 2:0 přesadźić.
Wuslědki (29.11.23)
Wokrjesna klasa – stafla sewjer
Minjeny kónc tydźenja startowachu wosom cyłkow do noweje hrajneje doby:
1. Módro-běli Wojerecy IV 3 6 : 1 6
2. ST Kupoj Nowa Łuka II 2 4 : 0 4
3. Módro-běli Wojerecy V 2 3 :2 2
4. SC Wojerecy I 2 2 :3 2
5. ST Viktoria Worklecy 2 2 :3 2
6. OSSV Kamjenc 2 1 :4 0
7. SC Wojerecy 2 1 :4 0
8. MB Wojerecy młodźina 1 0 :2 0
Sokoljo hru w druhim połčasu zwjertnyli
FV Ottendorf-Okrilla –
Sokoł Ralbicy/Hórki 1:3 (1:0)
Zestawa hosći: Chr. Gloxyn – Heidorn, Rachela (45. Schultz), Woko (28. Šewc), Bejmak (78. Budar), Mjechela, Domaška (90. Jakubaš), Wałda, Šołta, Rawš, D. Gloxyn
Mustwo z Ottendorfa steji w pincy tabulki a trjeba tuž nuznje dypki za zachowanje klasy. Na lochke ramjo Sokoljo přećiwnika wzali njejsu, chcychu štwórte městno w tabulce dale skrućić. Dypkownje ze sćoplenjom započinaše so tež sněžić, a to wobstajnje cyły prěni połčas. Tuž rěkaše so na wobstejnosće na suwatym, ale tohodla za hru derje so hodźaćym kumštnym trawniku so zwučić.
Trěća poražka zasobu
Rotacija Drježdźany –
SJ Chrósćicy 4:0 (1:0)
Zestawa hosći: Králíček – Graf, M. Zahrodnik, Mark, Matješk, C. Handrik (64. Matik), G. Zahrodnik, Hawš, L. Zahrodnik, Bogusz (73. Wencel), Młynk
Na poslednju wonkownu hru lěta podachu so Chróšćenjo sobotu k tabulkowemu susodej Rotaciji Drježdźany. Po poražkomaj dyrbjachu Chróšćenjo sobotu w tak mjenowanej šěsćdypkowej hrě zaso dypkować.
Prěni raz přećiwo sebi hrali
Nazwučowarjo so dalekubłali
Něhdźe 30 trenarjow z Budyskeho wokrjesa je so w zašłych měsacach na trenarskim wukubłanju „Basis Coach“ wobdźěliło. To je, kaž mjeno hižo přeradźi, zakładna licenca, kotruž trjebaš, zo móžeš C- abo samo B-licencu złožić. W 40 wuknjenskich jednotkach, wobstejacych z třoch prezentnych dnjow, online-nadawkow kaž tež z natočenjom treningoweje jednotki ze swójskim mustwom, so tež wjacori serbscy trenarjo dalekubłachu. Wotlěwa su to: Rene Zynda, Julius Šnajder, Tomaš Kutter (Sokoł Ralbicy/Hórki), Daniel Ričl (SJ Chrósćicy/SJ Njebjelčicy), Robert Wolf (Sokoł Ralbicy/Hórki), Robert Lejnart (SJ Njebjelčicy) a Jurij Bjeńš (Sokoł Ralbicy/Hórki).
Foto: Jurij Bjeńš
Zasłužbnje wuwojowane dobyće
SJ Njebjelčicy –
ST Lubuš II 4:3 (1:3)
Zestawa hosćićela: N. Hahn – A. Reineke, R. Heymann, R. Hanuza, F. Domš, J. Matješk, D. Cyž (36. O. Domš), J. Wićaz (33. H. Korjeńk), T. Čornak (77. G. Čornack), P. Hrjehor, N. Rudolf
Rezerwa z Lubuša ležeše drje do hrajneho dnja tři městna za čerwjenymi košlemi, tola dypkowa diferenca wučinješe jenož jedyn dypk. Zaměr za hru bě tuž jasny. Přichodne tři dypki měli na konto SJN pućować.
Prěnich 24 mjeńšin pak pokaza runje to nawopačne. Hosćo zasłužbnje z 3:0 nawjedowachu. Z čistym hatrikom docpě Lubušan Dennis Wagner w běhu dźewjeć mjeńšin (15., 20., 24.) troje wrota. Po tym přeměstni so hra do centruma hrajnišća. Wobě mustwje móžeštej hišće akcenty doprědka sadźeć, tola bjez wuspěcha. Krótko do połčasa (43.) so Florian Domš na prawej stronje přesadźi a přinjese bul do přećiwniskeje šěsnatki. Wot lěweje strony přichadźejo móžeše Oliver Domš bul we wrotach k 1:3 zaměstnić.
Wuslědki (28.11.23)
Kopańca, krajna klasa
Niska – ST Wesenitzal 4:0 (3:0)
Póst Budyšin – Zschachwitz 1:1 (0:0)
R. Drježdźany – SJ Chrósćicy 4:0 (1:0)
Drježdźanski SC – Wojerowski FC 2:2 (0:1)
Radeberg – Rakečanske ST 5:2 (3:1)
1. FV Přezjednota Niska 14 53 : 7 34
2. SZ Drježdźany Strěžin 13 31 : 17 29
3. Drježdźanski SC 13 27 : 21 24
4. Póst Germania Budyšin 14 22 : 33 20
5. ST Wesenitzal 14 24 : 28 19
6. Radebergske ST 14 25 : 30 19
7. FSC Wódrjeńca 13 35 : 31 18
8. SG Weixdorf 14 25 : 22 18
9. BSV Sebnitz 14 22 : 21 18
10. Wojerowski FC 14 23 : 25 18
11. Rotacija Drježdźany 14 21 : 27 17
12. Rakečanske ST 14 24 : 40 17
13. FSV Nowosólc-Hródk 13 21 : 21 16
14. SJ Chrósćicy 13 16 : 29 14
15. Mó.-běli Zschachwitz 14 26 : 31 13
16. VfB Běła Woda 13 27 : 39 13
Stadion nětko ze serbskim wobličom
Swoju hłownu zhromadźiznu přewjedźechu Sokoljo z Ralbic minjenu wutoru. Něhdźe 30 čłonow delanskeho towarstwaa přichwataše do korčmy w stadionje „Jurij Frencl“. Prezident Dierk Šewc powita wšitkich přitomnych a formality poměrnje spěšnje přerěča. Wšitcy wobdźělnicy so za to wuprajichu, zo Šewc ze swojim teamom dale na čole Ralbičanskeho Sokoła dźěła. Kaž hižo staremu předsydstwu přisłušeja nowemu nimo Šewca tež wiceprezident Olaf Poldrack, sportowy direktor Steffen Frencl, pokładnik Roman Mjetaš-Wowčer a nawoda juniorow Jurij Bjeńš. Naposledk mjenowany jima so na to tež słowa. Wosebje wuzběhnył je Sernjančan spore dźěło mjeztym 17 dorostowych trenarjow. W Ralbicach honi tuchwilu wjac hač 100 dorostowych koparjow za bulom – telko tam w zašłych lětdźesatkach njemějachu. 2008 na přikład bě jich mjenje hač 50.
