Stajnje prěni kónc tydźenja róžownika w Kukowje meju mjetaja, štož je zdobom wulki wjesny swjedźeń. Jón zahaja dźensa z dźěćacym kinom. Wječor přizamknjetej so natočenje piwa a diskoteka. Sobotu přeprošuja w 14.30 hodź. na kofej a tykanc, hodźinu pozdźišo budźe mejemjetanje dźěći a młodostnych. Mejski por zaćehnje w 20.30 hodź. do stana, hdźež budu mejske reje z kapału Logarhytmus. Njedźelu hraja Chróšćanscy muzikanća k rańšemu piwku a k wobjedu. Program wot 14.30 hodź. wuhotujetej wjesna pěstowarnja a rejwanska skupina Łužičanka. Minjene dny su młodostni swjedźenski stan přihotowali. Foto: Feliks Haza

Wodorunje: 3 interpunkciske znamjo, 5 nic křiwje, 6 krute připrajenje, 7 sakske město wikow, 10 Fallschirm serbsce, 13 nic wjele, 14 čorny ptak, 15 drobny pjenjez

Padorunje: 1 šachowa figura, 2 dźěl žitneho popa, 3 rozrězane drjewo, 4 nutřkowny organ ćěła, 8 nahladnosć, 9 ćěłozwučowanje, 11 městno w cyrkwi ke křćenju, 12 dźěćacy kanal telewizije

Mejske wudaće Rozhlada započina so ze zawodnym tekstom Eera Balka, kiž rysuje, kelko dźěła měješe nadobo z přełožkami abo tołmačenjom z ukrainšćiny, po tym zo bě před wjace hač lětom wójna wudyriła, a kak je so w Finskej wid na a zajim za Ukrainu změnił. Wón pisa: „Po tołmačenju brutalnych dožiwjenjow ćěkancow běch měsacy dołho kóždu nóc na fronće abo w ewakuaciji.“ Marka Maćijowa pak je so z Měrćinom Wjenkom rozmołwjała, kiž dźěła za Serbski rozhłós a pisa literarne a druhe teksty za dorosćenych a dźěći. Wjenk wuznawa: „Nadźijam so jenož, zo wostanje nakładnistwo najebać aktualneho personalneho njeměra tež w přichodźe dźěłokmane. Jako serbsce pisacy awtor wšak njemóžu nihdźe druhdźe wozjewjeć hač w Ludowym nakładnistwje Domowina.“ Nicole Dołowy-Rybińska złožuje so w swojim přinošku na slědźenja, kotrež je zhromadnje z Cordulu Ratajczakowej 2017 a 2019 na Budyskim Serbskim gymnaziju přewjedła. Při tym wěnuje so zasadźe zdwórliwosće a jeje konsekwencam za dwurěčnosć w šuli a Hornjej Łužicy.

Budyšin (SN). Ludowe nakładnistwo Domowina prosy kupcow a zajimcow, při wopyće Smolerjec kniharnje nowe wotewrjenske časy wobkedźbować. Wot wutory, 2. meje, budźe kniharnja wot 11 do 17 hodźin wotewrjena. Sobudźěłaćerjo serbskeje kniharnje wjesela so, wopytowarjam w tutym času ze swojej radu poboku być.