7. junija w Serbskich Nowinach wozjewjena křižowka z mytami bě tónraz předewšěm na swójby wusměrjena. Mnozy čitarjo su sej tuž hłójčku łamali, křižowku wuhódali a nam prawe wu­hódanje „Łužiska ­jězorina“ připósłali.

Redakciska for­tuna dyrbješe dobyćerjow wulosować. Nad zastupnym lisćikom za swójby do Małowjelkowskeho pra­zwěrjenca wjeselić smě so swójba Lorencec w Njebjelčicach. Mały fanowy paket za Europeadu, přewostajeny wot Serbskeje kulturneje informacije připó­sćelemy Andreasej Pašce w Smječkecach. A swójba Čornakec w Radworju dóstanje w LND wušłu ­BOOKii-knihu wo hwězdach.

W přichodnym Rozhledźe wočakuje Was impuls kołowokoło namjezneho objekta – na wobrazne a pisomne wašnje. To je „něšto“, štož mnoho akterow zaběra, bjez toho, zo dalše zhromadne kajkosće mjez nimi wobstałe. Karoline Schneider pokaza na zwisk mjez židźanym rubiškom a serbskosću – wšako su serbske identity wjelorake a hybridne – tola kóžda z nich je na swoje wašnje drohotna.

Štwórty dźěl analyzy Hauptowych/Smolerjowych pěsničkow z pjera Měrka Šołty zaběra so z prašenjom za wědomostnym narokom zběrki. „Jeho najwjetša zasłužba pak běše a wostanje mobilizowanje swojich młodych rowjenkow do narodneho wozrodźenja a njepopušćenja tutoho zaměra čas swojeho žiwjenja“, měni Šołta wo J. A. Smolerju.

Wo serbskim wučerju „Waću“, wot kotrehož njemóžachu na Budyskim wučerskim seminarje „sprawne a němske zmyslenje“ wočakować, piše Evelyn Fiebiger.

Wodorunje: 3 britiska połkupa, 6 grjekska kupa, 7 město nad Łobjom, 8 nic ćežka, 11 dźěl Hamburga, 14 nic słabe, 15 Treppen serbsce, 16 pryskacy srědk

Padorunje: 1 dobyćer mejemjetanja, 2 nic spočatk (o=ó), 3 wjes z pomnikom Michała Hórnika, 4 wobydler kontinenta němsce pisane, 5 město w Poruhrskej, 9 sydło bohow, 10 koparski klub w Rostocku, 12 hudźbny instrument, 13 daty škit požadarjej

Wodorunje: 3 Wichte serbsce, 6 přichad domoj, 7 Senf serbsce, 8 pozdatny wobraz, šerjenje, 10 wysokosć, 13 howjaze mjaso a ..., 15 europska unija, 16 koparski klub Mailanda, 17 ... a Frantek

Padorunje: 1 něhdyša dźiwadźelnica a spěwarka (Hildegard), 2 wón wisa na cyrkwinskej wěži, 3 meja, 4 dźělčki materije, 5 Stoß serbsce, 9 grjekska stolica, 11 drasta, 12 prjedawša wustajeńca w Markkleebergu, 14 žónske předmjeno