Genf (dpa/SN). Dwělomny njerodź zaničowanski srědk glyfozat njeje po najnowšim posudku UNO tola tak škódny kaž dotal mysleny. Pospyty su pječa wunjesli, zo glyfozat w snadnych mnóstwach žane genetiske změny njezawinuje. W Němskej pak su fronty hladajo na tónle srědk sprostnjene: Wobswětowa ministerka Barbara Hendricks runje tak kaž hospodarski minister Sigmar Gabriel (wobaj SPD) chcyłoj jón zakazać. Ratarski minister Christian Schmidt (CSU) porno tomu chcył jón dale na polach zasadźeć.

Tysac ćěkancow wuchowanych

Rom (dpa/SN). Němska marina je zhromadnje z mjezynarodnymi pomocnikami w běhu něšto hodźin na Srjedźnym morju 1 153 ćěkancow wuchowała. Kaž italska pobrjóžna straža zdźěla, běchu ludźo w gumijowych čołmach přez morjo přijěli, jako dóstachu so před sicilskim pobrjohom do mórskeje nuzy. Němska łódź „Frankfurt“ při tym 115 ludźi wuchowa. Po informacijach mjezynarodnych pomocnych organizacijow je lětsa 31 500 ludźi po morju Italsku docpěło.

Brónje do Libyskeje