Schrift vergrößern
Cyłk starobneje klasy IV Serbskeho gymnazija Budyšin (SGB) w Biskopicach. Zady wotlěwa: Józef Bobka, Ben Šmit, Stanij Statnik a Kilian Hennig. Prědku wotlěwa Rahel Bjeńšec, Annelie Kummerec, Tereza Maćijec a Johanna Šěrakec. Foto: Gabriela Jendrewscyna
W Biskopicach wotměchu so wokrjesne finale we wobłuku wubědźowanja „Młodźina trenuje za olympiju“ we wolejbulu 15. nazymnika za starobnu klasu III a 30. nazymnika za starobnu klasu IV. Tež šulerki a šulerjo Serbskeho gymnazija Budyšin (SGB) so wobdźělichu.
Hólcy 8. lětnika wudobychu sej 1. městno a su so z tym za regionalne finale kwalifikowali. Z wosebje sylnymi nadawkami a wuspěšnym nadběhom bě Matej Kober swojemu cyłkej wulka podpěra. Holcy wudobychu sej druhe městno.
Cyłk starobneje klasy III SGB w Biskopicach. Zady wotlěwa: Linus Hrjehor, Matej Kober, Milan Jurk, Matej Nuk, Carl Schulze. Prědku wotlěwa: Marta Handrikec, Milena Suchec, Larissa Klattec, Annelie Kummerec a Elnette Hentschec
