21. hrajny dźeń třećeje koparskeje ligi Němskeje budźe načolna hra mjez Energiju Choćebuzom a Dynamom Drježdźanami. Naš Choćebuski reporter Georg Zielonkowski je so z trenarjom dotalneho načolnika Clausom-Dieterom Wollitzom rozmołwjał.
FC Energija Choćebuz steji po 20 hrach na čole tabulki, kak rjenje je to za nowačka z Łužicy?
Claus-Dieter Wollitz: Zo smy w tutej načolnej hrě ći prěni zaměstnjeni, nas wězo zwjeseli. Situacija da nam hišće wjace sebjewědomja, hdyž podamy so sobotu do wurjadneje hry. Při tajkim derbyju je hišće raz wjace brizancy nutřka, ale chcemy našim fanam wězo tež w tutej domjacej hrě dobyće darić.
Dynamo Drježdźany wšak ma za FCE cyle wosebity wuznam. Najebać nawjedowanja 2:0 w prěnjej hrě w Drježdźanach nasta poražka 2:4. Po tym wupraji trenar krute słowa njekmaneho wašnja hraća swojeho mustwa dla. Móže tuta dopomnjenka sobotu snano samo pomocliwa być?
