Wulke finale sobotu w Ramnowje
Wurunany kónc tydźenja za Liški
Łužiske lodohokejowe liški –
Blue Devils Weiden
4:0 (1:0, 1:0, 2:0)
Běła Woda (Łužiske liški/KH). Před zahajenjom hry pjatk wječor bu kapitan Liškow Clarke Breitkreuz za swoje dotal 500 hrow w DEL2 wuznamjenjeny. Hižo šěsć lět steji wón za Łužiske liški na lodźe. Po počesćenju započa so spěšna partija. Po wjacorych dobrych šansach wyskachu fanojo Liškow we 18. min. prěni raz. Roope Mäkitalo docpě wrota k 1:0.
W srjedźnym wotrězku hry zaměstni znowa Roope Mäkitalo hrajny nastroj we wrotach hosći. Po přihrawce Clarke Breitkreuza zawěsći wón ze swojimi wrotami nawjedowanje 2:0 (27.).
Krutosć přiběraše w poslednjej třećinje hry. Tak wuwi so w 43. min., hnydom po třećich wrotach Liškow, wjetša diskusija na lodźe. Na to sćěhowachu chłostanja přećiwo woběmaj cyłkomaj. Wažne wrota za Běłu Wodu docpě Lewis Zerter-Gossage po přihrawce Sebastiana Zaunera (43.). Poslednich pjeć mjeńšin bě hišće raz přewšo napjatych. Liški agěrowachu wudźělenych chłostanjow dla jenož hišće ze štyrjomi na lodźe. Tola domjace mustwo swoje kmanosće na lodźe dale wopokaza a Lewis Zerter-Gossage zwyši samo na 4:0.
Lodowe lawy Drježdźany –
Wuslědki (17.10.24)
Kopańca, wyša liga mužojo
Biskopičanske KT – ST Zorbau 1:1 (1:1)
1. 1. FC Magdeburg II 8 18 : 8 18
2. VfB Auerbach 8 18 : 10 16
3. VfL Halle 96 8 17 : 11 16
4. Biskopičanske KT 08 8 11 : 7 15
5. FC Grimma 8 13 : 13 13
6. RSV Eintracht 1949 8 16 : 13 12
7. Germania Halberstadt 8 16 : 17 11
8. BSG Wismut Gera 8 14 : 15 11
9. VfB 1921 Kśišow 8 26 : 17 10
10. SG Union Sandersdorf 7 10 : 12 10
11. Budissa Budyšin 8 17 : 21 9
12. FC Jednota Rudolstadt 8 13 : 15 8
13. FC Jednota Wernigerode 8 12 : 16 8
14. ST Módro-běli Zorbau 8 11 : 21 8
15. SC Freital 7 12 : 14 7
16. Ludwigsfeldski KK 8 5 : 19 4
Bjarnat Deleńk wotežki w Njebjelčicach hižo njedźerži
Kónc septembra přewjedźechu w Njebjelčicach pola tamnišeje sportoweje jednotki hłownu a wólbnu zhromadźiznu (Serbske Nowiny rozprawjachu). Ze Serbskopazličanom Frankom Domšom maja noweho prěnjeho muža. Z dotalnym předsydu Bjarnatom Deleńkom je so wnučk Theodor Wajdlich rozmołwjał.
Kak dołho wobsteji hižo SJ Njebjelčicy?
B. Deleńk: Naša sportowa jednotka bu 8. Nowembra 1957 załožena. Potom je mustwo tři lěta dołho w Hlinowcu hrało, doniž njebu naše hrajnišćo w Njebjelčicach 1960 wotewrjene.
Sy sam tež kopańcu hrał?
B. Deleńk: Haj, sym sam jako šuler w teamje za dorost w Njebjelčicach kopał. Zranjenja w lěće 1964 dla njemóžach wjac kopańcu hrać.
Kak přińdźe zo je SJ Njebjelčicy tebje za prezidenta wuzwoliło?
B. Deleńk: Hačrunjež dyrbjach hižo zahe přestać hrać, běch přiwšěm jara wusko zwjazany z našej SJ. W času, jako bě mój předchadnik Křesćan Ričel tu w Njebjelčicach hišće prezident, sym hižo w předsydstwje sobu skutkował. 1999 wuzwolichu mje za prezidenta. Nětko po 25 lětach chcych tutón čestny nadawk rady dale dać.
Što bě najwjetši wjeršk w twojim času skutkowanja?
Jeničku sadźbu we Łužnicy sej wudobyli
ST Łužnica – Viktoria Worklecy 3:1 (25:15, 17:25, 25:22, 28:26)
Jenož tydźeń po hórkej poražce w Pirnje dyrbjachu Worklečanscy wolejbulisća k přichodnemu wonkownemu přećiwnikej ST Łužnicy pućować. Předznamjenja stejachu hišće hubjeńšo hač w předchadźacym tydźenju, dokelž njebě chorosće a zranjenja dla pozicija srjedźneho blokowarja wobsadźena. Sćěpan Wjeńka so woprowaše, na tutej njezwučenej poziciji hrać. Přez to pak bě nadběhej Viktorianorow jich najsylniša bróń wzata a tak wupadaše tež prěnja sadźba. Jenož mało nadběhow hosći běše wuspěšne. Pobrachowaštej preciznosć a ćišć. K tomu přidružichu so njewěste přiwzaća a nadaća. Domjacy móžachu tak prěnju sadźbu bjez prócy 25:15 za sebje rozsudźić.
Chróšćenjo po serbskim derbyju koło dale
SJ Njebjelčicy –
SJ Chrósćicy 1:2 (0:1)
Zestawa domjacych: Hahn – Schulze, Reineke, Hanusa, F. Hrjehor, Plaettner, Wićaz (56. Bjeńš), Korjenk (84. Matješk), Čornak (51. P. Hrjehor), Rudolf, Domš
Zestawa hosći: Škoda – Rätze, F. Cyž, Zynda, Mark (59. L. Zahrodnik), Graf, M. Zahrodnik, Handrik (88. Młynk), G. Zahrodnik, Matik (66. Hawš), Bogusz (73. Bjeńš)
Po dźesać lětach wotmě so zaso raz winowatostna hra mjez sportowymaj jednotkomaj Njebjelčicy a Chrósćicy. Před lětdźesatkom we wokrjesnej wyšej lize, njedźelu we wokrjesnym pokalnym kole Zapadołužiskeho koparskeho zwjazka.
Třepotali jenož temperaturow dla
Na porjadnej sobustawskej zhromadźiznje lěta 2024 dyrbješe 320 přitomnych čłonow FC Energije Choćebuz dosć chwile a hladajo na wonkownu temperaturu LEG-Stadiona přećelstwa ćopłe drasty měć.
Kónclětne wotličenje za hospodarske lěto 2023 je lochce pozitiwne a pobrachowaca šěsćcyfrowa strata w prěnim połlěće běžneho lěta 2024 bě wujasnjujomna. Lěto 2023 bu z plusom 18 943,14 eurow wotzamknjene. Towarstwowe zamóženje wučinješe na kóncu zašłeho lěta 357 981,62 eurow. W bilancy wupokazanych 6,145 mio. eurow zawjazanosće wobsahuje 5,484 mio. eurow napřećo kreditnym institutam. Při tym jedna so wo požčonki k financowanju kupjenja stadiona a twara wobeju tribunow z woclowych rołow. Bilancowa suma wučinja k 31. decembrej 2023: 10,116 mio. eurow.
Nowe předsydstwo w Njebjelčicach
Wolejbulistki DSC počesćene
Prěnja domjaca hra noweho žónskeho wolejbuloweho mustwa Drježdźanskeho SC (DSC) bě w dwojim nastupanju něšto wosebite. Přetož po 5 lětach dobychu mjetelčki zaso swoju zazběhowu hru 3:1. Při tym dźěše dwě napjatej hodźinje tam a sem z wulkotnymi hrajnymi scenami. Hru widźało je 2 600 přihladowarjow.
Jedyn dalši highlight dawaše w druhej přestawce hry. W tutych 10 mjeńšinach buchu štyri něhdyše hrajerki DSC počesćene: Kerstin Tzscherlich, Mareen von Römer, Stefanie Waibl a Jennifer Janiska buchu do po cyłej Němskej dotal we volleyballu jónkrótneje „Hall of fame“ přiwzate. Pod mócnym přikleskom buchu symboliske t-shirty z jich mjenami pod halowu třěchu sćehnjene. Hoberska to překwapjenka za hrajerki.
Počesćene buchu slědowacych wuspěchow dla: Wšitcy štyrjo stejachu w rozdźělnych časach (1990 do 2024) 730 króć za němske narodne mustwo na parkeće, hrajachu 58 lět w dresu za DSC, wubědźichu sej wjacore razy titul němskeho mištra, pokal zwjazkoweje ligi a jónu challange cup. Wostachu tež tójšto lět DSC swěrne, hačrunjež płaća so we wukraju wjele wyše mzdy. Gratulaciju!
Koło poražkow so dale wjerći
ST Marijina hwězda –
TSV Wjazońca 2:5 (2:3)
Zestawa domjacych: Wünsche – Čornak (60. Ladewig), Wróbl, E. Bulank, Hoge, Peschmann, Langer, R. Cyž, Clausen (39. F. Bulank), J. Pakoßnick, D. Jurš (72. Schmidt)
Po štyrjoch poražkach za sobu chcychu so koparjo Marijineje hwězdy skónčnje zaso do čary wuspěcha nawróćić. Wjazońca je w tabulce wokrjesneje ligi načolne mustwo a personalna situacija je pola Pančičanow dale chětro napjata. Znowa pobrachowaše trenarskej dwójce Frankej Schneiderej/Kai Frenzelej wulka ličba hrajerjow zranjenja, chorosće a dowola dla. To pak njebě hłowna přičina za to, zo so tež tuta partija přěhra.
