To njebě načolnika hódne
Čerwjeno-běli Essen –
FC Energija Choćebuz 4:0 (2:0)
FC Energija Choćebuz: Bethke – Rorig, Kusić, Slamar, Borgmann (46. Bretschneider), Ciğerci, Pelivan, Möker (86. Hofmann), Krauß (46. Proničew), Thiele, Copado (86. Hasse)
slěd wrotow: 1:0 Ramien Safi (10.), 2:0 Leonardo Vonić (24.), 3:0 Ramien Safi (72.), 4:0 Thomas Eisfeld (90.)
Po wosom hrach bjez poražki kasěrowaše FC Energija w Essenje zaso wysoku poražku.
Hosćićeljo natwarichu masiwny škit před wrotami Golza, kiž hosćom nimale znjemóžni, tónle přełamać. Nimo toho traješe hrajny natwar FC Energije stajnje předołho. Hosćo mějachu jenož dwě małej šansy. Spěšna hra čerwjeno-běłych Choćebužanow chětro wužadowaše. Tak přińdźechu domjacy, kotřiž běchu z poziciju w tabulkowej pincy do hry šli, z lochkosću k wrotam. Tež wrotar hosći Elias Bethke měješe čorny dźeń.
Georg Zielonkowski
We wyšej lize je prěnje koparske mustwo Budissy Budyšin znowa ...
Widźał,słyšał, napisał (04.11.24)
Awtor dźensa
Křesćan Korjeńk
,,Jědnatka bě łastojčka, jědnatka bě łastojčka ... překlepana Mónika, ... Mónika ...“, spěwa Měrćin Štrawba w swojim spěwje wo žónskej kopańcy. Kelko tajkich ,,Mónikow“ w běhu koparskeje sezony takle mamy, drje njemóže nichtó doličić. Diskusija wo jědnatkach, sprawnych abo mjenje sprawnych, drje nabyła w zašłym času nowe dimensije. Wukładowanje płaćiwych prawidłow drje njeje hišće ženje tak intensiwne było kaž tuchwilu. A hdyž na to pomysliš, kelko zhubjenych abo dobytych pjenjez za jednym tajkim rozsudom tči, potom so njedźiwaš nad telko diskusijemi. Zwěrju sebi twjerdźić, zo so w žanej druhej sportowej družinje telko wo rozsudach sudnikow njediskutuje, kaž w kopańcy.
Sport (01.11.24)
Koparski klasikar w Kulowje
Najebać wupada Paula Rachele, kiž bě njedźelu doma w Ralbicach čerwjenu kartku widźał, pojědu Ralbičanscy Sokoljo jako faworit jutře do Kulowa (14 hodź.) na wulki koparski klasikar we wokrjesnej wyšej lize.
02.11. 12:00 Kulow II –
HZ Ralbicy II/Pančicy II
02.11. 14:00 Póst Germania Budyšin
– SJ Chrósćicy
02.11. 14:00 TSV Wjernarjecy
– SJ Chrósćicy II
03.11. 11:00 Nadrózna Hrabowka II
– SJ Njebjelčicy
03.11. 13:30 Budissa Budyšin
– FC Grimma
03.11. 14:00 Bretnig-Hauswalde
– ST Marijina hwězda
03.11. 14:00 ST Radwor – FSV Łuty
Duel tabulkoweju susodow
Prěnje wolejbulowe mustwo muži Viktorije Worklecy hraje jutře w Žitawje přećiwo tabulkowemu susodej. Worklečenjo pak su dotal hižo štyri króć hrali, hosćićeljo ze Žitawy hakle dwójce. W samsnym času je tež druhe mustwo žonow Viktorije prašane, a to we Wojerecach.
02.11. 14:00 VF Módro-Běli Wojerecy
– Viktoria Worklecy II (ž)
02.11. 14:00 VV Žitawa 09
– Viktoria Worklecy I (m)
Terminaj Serbskeho Sokoła za klětu
Po zastatku spěšnje wurunali
Čorny dźeń za Radworskich koparjow
ST 1922 Radwor –
Wojerowski FC II 0:3 (0:0)
Zestawa domjacych: Matik – B. Grubert, Omran, M. Dźisławk, Wjeńka, Reineke, Adam, Schöne (76. Henka), Glücklich, Mička (83. Wjesela), Wróbl (60. C. Dźisławk)
Seriju bjez poražkow chcychu Radworscy koparjo dale wobchować a dypki zběrać, tak zo wostanu w načolnej skupinje.
W prěnich mjeńšinach to samo derje wupadaše. Hra započa so z wysokej intensitu, hosćićeljo móžachu přećiwnikow sylnje pod ćišć stajeć. Z tym postarachu so wo zmylki w natwarje Wojerowčanow. Ale z tutych njemóžachu sej Radworčenjo wulke šansy nadźěłać, dokelž agěrowachu přechwatnje.
Po połčasu njenamaka domjace mustwo wjac prawje do partije a woraše nimo toho husto zmylki. Dwuboje wjedźechu so nětko dale a krućišo. Wojerowčenjo móžachu to wužić a partiju tak nawjedować. W 72. min. mějachu přećiwnicy wólny kop, kotryž domjacy wrotar kruće dźeržeć njemóžeše. W 81. min. padny 0:2 znowa po wólnym kopje. Přećiwnik trjechi ke kónčnemu stawej 0:3 w 90. min.
Njetrjebawšo wysoka poražka
ST Traktor Malešecy –
ST 1922 Radwor 5:2 (2:0)
Wuslědki (30.10.24)
Wokrjesna liga stafla II
1. Traktor Malešecy 9 39 : 8 23
2. LSV Hory 7 31 : 3 19
3. Módro-běli Minakał 8 23 : 11 19
4. ST Kubšicy 9 25 : 18 18
5. ST Radwor 9 20 : 16 16
6. ST Kinspork/Łužnica 9 14 : 14 15
7. ST Lubuš 9 18 : 19 15
8. ST 1896 Wulka Dubrawa 9 18 : 14 13
9. ST Nadrózna Hrabowka 9 15 : 14 12
10. Wojerowski FC II 8 12 : 20 9
11. Zeleno-běli Sepicy 9 12 : 25 7
12. ST Ćisk 9 10 : 35 6
13. FSV Łuty 9 7 : 27 2
14. ST Bart 7 4 : 24 1
Znowa z prózdnymi rukami na hrajnišću stali
HZ Frankenthal –
ST Marijina hwězda 3:2 (2:1)
Zestawa hosći: R. Wünsche – T. Jurš, K. Pakoßnik (73. B. Zynda), E. Bulank, M. Wróbl (84. G. Bayer), J. Ladewig, A. Eldor, R. Cyž, J. Clausen (46. Fe. Langer), J. Pakoßnik
Při wulkotnym słónčnym wjedrje dojědźechu sebi koparjo z Pančic-Kukowa do Frankenthala. Kónčny wuslědk pak njeběše tak wulkotny. Krótko do kónca hry mjenujcy domjacy Pančičanow kruće pochłostachu.
Překrótko radźeny prěčny pas Erika Bulanka sebi Heiko Böhne wudoby a Floriana Wachalskija posłuži. Nadběhowar sej šansu sam před wrotarjom wzać njeda a přetwori k 1:0 (11.). W 23. min. potom hosćo šansu wužichu. Po wysokej přihrawce na Jakuba Pakoßnika muž mjez žerdźomaj najprjedy třělwu parěrowaše, ale njezamó bul kruće dźeržeć. To wězo klóšterski nadběhowar wuži a wuruna. Mjezywuslědk pak dołho njedźeržeše. We 28. min. Dario Franke po flance kulu do čorneho trjechi.
Tola zaso dypk wudobyli
HZ Huska/Hodźij –
SJ Chrósćicy II 2:2 (0:1)
Zestawa hosći: M. Mark – K. Mark, M. Donat, Kola, Sćapan, Mi. Zahrodnik (76. Liznar), Ma. Zahrodnik, B. Donat (76. Klemenc), Budar (69. Handrik), J. Donat, Kř. Zahrodnik
Wot spočatka sem mějachu domjacy wjetši hrajny podźěl. Tola Chróšćenjo zamóchu jich dosć derje wotwobarać. W 36. min. Bosćan Donat bul nimo wrotarja do dołheho róžka połoži (0:1).
W 57. min. wužichu domjacy njeporjad Chróšćanow při wólnym kopje. Wysoka přihrawka dóńdźe před wrota, tam zhłójčkowa bul přez wrotarja Marka k 1:1. Hnydom po zakopje mějachu znowa Chróšćenjo přez Bosćana Donata nawjedowanje na nowje, wrotar pak třělwu znješkódni. Wysoku třělwu njemóžeštaj škitarjej prawje wotwobarać, tak zo skoči bul njezbožownje nadběhowarjej před noze. Hušćan sadźi bul do wrotow. Jenož tři mjeńšiny pozdźišo Chróšćenjo wurunachu. W poslednjej poł hodźinje měještej wobě mustwje hišće móžnosće na třeće wrota. Tola wrotar Matej Mark swoju klětku z cyłym ćěłom zakitowaše. Tež na tamnej stronje wrotar klětku před dalšim zadyrom zakitowaše. Michał Donat
Wysoka poražka na kermuši
SJ Chrósćicy II – SV Porchow 2:8 (1:3)
Zestawa domjacych: M. Mark – M. Donat, Dórnik (71. F. Zahrodnik), Kola (81. Liznar), K. Mark, M. Zahrodnik (46. Domaška), Wornar, B. Donat, Wencl, Bjeńš (46. J. Donat), Kř. Zahrodnik (87. Hojer)
Hosćo spočatnje kontrolu přewzachu a spytachu wosebje přez dołhe a wysoke přihrawki do strašnych conow dóńć. Tola w 16. min. běchu Chróšćenjo jako prěni wuspěšni. Franciskus Wornar měrješe třělwu direktnje na wrota. Wrotar Porchowčanow měješe z třělwu swoju lubu nuzu a tak jemu bul z rukow do saka skoči. Jenož pjeć mjeńšinow po nawjedowanju pokaza sudnik na tamnym boku hrajnišća na šěsnatku. Dobry pokutny kop pak wrotar Matej Mark ze sylnej paradu wotwobara. Porchowčenjo dale tłóčachu a w 33. min. juskachu. Hosćo so přesadźichu a bul wótrje před wrota hrajachu a tam přetworichu. Dalše wrota padnychu přez lesćiwe wukonjenje wólneho kopa hosći. W přidatnej mjeńšinje zwyšichu hosćo samo na 3:1.
