Ralbičanka třělča wrotow
Les Ladines –
Serbske mustwo žonow 1:2 (1:1)
Zestawa Serbskeho mustwa žonow: Vanessa Peschel – Vianneya Paškec, Sophie Matješkec, Laura Hanušojc, Marta Handrikec (73. Stella Pilcec), Johanna Wjeselic, Lavinia Frenclec, Ulrika Lobedźina, Thea Kuntzec (51. Leoni Wenclec), Vivien Sophie Fišerojc, Lena Handrikec
Druhi hrajny dźeń startowaše z rańšim sportom. Po snědani podachu so koparki do danskeho Grænsehallerne, hdźež lochki trening přewjedźechu. Na druhu hru předkoła dojědźechu sej Serbowki do bliskeho Harrisleeva. Tam nastupichu napřećo Ladinčankam. Tež hdyž ma mustwo Ladinčankow přirunajo ze zašłym razom nowu zestawu, je tam dosć nazhonjenych hrajerkow pódla, kotrež hraja na přikład pola FC Südtirol abo Val Badia we wyšej lize. Mały kruh koparkow hraje samo w Seriji C, štož je 3. najwyša liga w Italskej. Z tym čakaše znowa sylny přećiwnik na žony serbskeho mustwa.
Po nawjedowanju wysoka poražka za serbske koparki
Serbske mustwo žonow –
Sydslesvig 1:6 (1:2)
Zestawa Serbske mustwo žony: Xenia Koberec – Vianneya Paškec, Sophie Matješkec (80. Leoni Wenclec), Stella Pilzec (80. Paula Simulic), Laura Hanušojc, Johanna Wjeselic, Lavinia Frenclec, Ulrika Lobedźina, Thea Kuntzec, Vivien Sophie Fišerec, Lena Handrikec
Serbske mustwo žonow wobdźěli so druhi raz po 2016 na Europeadźe. Po wulosowanju do skupinow zarjadowaše so zastupnistwo zhromadnje z mustwom Sydslesvig, to je mjeńšina Danow z Němskeje, a Les Ladins, mjeńšina z Italskeje, do skupiny C.
Zo by so serbske mustwo žonow na prěnju hru přihotowało, bě wone sobotu dopołdnja treningowu jednotku w danskim Grænsehallerne přewjedło.
Myto čitarce do Choćebuza
Wuslědki
MUŽOJO
Serbske mustwo – DZSCR 4:1
ŽONY
Les Ladines – Serbske mustwo 1:2
Jutře budźe kulturny dźeń
w danskim Knivbergu.
Prawa wotmołwa na prěnje kwisowe prašenje z 28. junija ma rěkać 2016. Před wosom lětami w Južnym Tirolu je so Serbske mustwo žonow prěni raz na Europeadźe wobdźěliła.
Wo myće pokerkartow móže so Christiana Piniekowa w Choćebuzu wjeselić, kotruž je redakciska fortuna jako dobyćerku wulosowała.
Hač na Italsku wšitcy faworića koło dale
Jendźelske narodne mustwo je kónc we wosmifinalu, při europskim koparskim mišterstwje w Němskej, snadnje wobešło. Po dołhim zastatku přewinychu faworizowani Britojo Słowaksku wčera 2:1 po podlěšenju. Jude Bellingham, w kónčnych sekundach regularneho hrajneho časa, a Harry Kane, bjezposrědnje po zahwizdanju podlěšenja, běštaj třělcaj „Three Lions“, kotřiž běchu w Gelsenkirchenje dołho přesłapjacy wustup pokazali. Při tym běchu wrota Bellinghama mólbje podobne. Z kopom z padom dozady přetwori wón bul do wrotow a zawěsći tak podlěšenje. Słowakojo běchu předewšěm w prěnim přechodźe jasnje lěpši mustwo a z wrotami Ivana Schranza (25. min.) zasłužbnje nawjedowali. Z přiběracym časom hry pak jich mocy wopušćichu, Jendźelska tłóčeše dale a bóle na wurunanje a zwjertnje partiju potom z dwójnym dyrom. W štwórćfinalu trjechi wubranka trenarja Garetha Southgate sobotu w Düsseldorfje na Šwicarsku.
Wo pokerkartya knižku fanow
Wuslědki
MUŽOJO
Serbske mustwo –
Roma National Minority 9:1
ŽONY
Serbske mustwo – Sydslesvig 1:6
Hrajny plan
MUŽOJO
2. julija, w 17.30 hodź. w Bredstedće
Serbske mustwo – FC DFK Ho. Šleska
Pokročujemy mały kwis SN k Europeadźe. Pokerkarty a knižka fanow Serbskeje wubranki znowa jako myće kiwaja. Dźensa chcemy wědźeć:
Serbska wubranka słuša k 17 cyłkam, kotrež su na premjernej Europeadźe 2008 w Šwicarkej nastupili. Kotre městno su sej Serbja tehdy wuwojowali?
Swoju wotmołwu posćelće prošu hač do 2. julija w 23 hodź. e-mailnje na
Medijowa rozprawa zarjadowarja
Hižo na prěnim hrajnym dnju Europeady 2024 nastachu zetkanja połne dramatiki, překwapjenkow, a wočakowanych rezultatow. Tute pak ze zdźěla spektakularnym wysokim wrotowym poměrom.
Žony z Južneho Tirola, zdobom dobyćerki titla 2016, wotpowědowachu swojej róli faworita a dobychu w Tondern/ Tønder přećiwo sewjeroschleswigskej 6:1. Wo jedne wrota jasnišo porazy Sewjerna Friziska hrajerki wot Las Rumantsch ze Šwicarskeje. Woběmaj teamomaj ma so bjezdwěla puć hač do finala 6. julija přicpěć.
Na zahajenju 17. wšosokołskeho zlěta wobdźělichu so wčera w ...
Wo kóždy dypk wojowali
Na wurisanju „Młodźina trenuje za Olympiu“ bě so sakske finale w bičwolejbulu 17. smažnika za šulerjow a šulerki sedmeho do jědnateho lětnika, starobneje klasy dwaj a tři, w sakskej stolicy přewjedło. Mustwo Serbskeho gymnazija Budyšin (SGB) wudoby sej při tym třeće městno w starobnej klasy tři (sedmy do dźewjateho lětnika).
Za sakske finale su so tež štyri dalše mustwa kwalifikowali: z Kamjenicy Dr.-W.-Andrè-gymnazij, z Drježdźan Vitzthum gymnazij, z Lipska gymazij Gerda-Taro-šula a z Wilkau/Haßlauwa gymnazij Při Pěskowej Horje.
Při słónčnym wjedrje běchmy na wubědźowansku městnosć přijěli. Wosom hrajnišćow steješe za sportowcow k dispoziciji. Tak hodźachu so tři hry porno sebi hrać. Po powitanju rěkaše za serbske mustwo, zo hraje přećiwo Drježdźanam. Budyski cyłk z Klaru Kralec/Annelie Kummer, Martu Handrikec/Matejom Koberom a Milanom Jurkom/Matejom Nukom wojowachu wo kóždy dypk. Na kóncu pak 1:2 přěhrachu.
Widźał, słyšał, napisał (01.07.24)
Awtor dźensa
Kilian Hrjehor
Koparsku hru w swojim jadru njemóžeš wjac změnić, najebać toho přińdu přeco zaso nowe prawidła k tomu. Přez někotre hodźi so wjac diskutować, přez někotre mjenje. Tak je so při tuchwilnym europskim mišterstwje nowe prawidło přidružiło, na kotrež sym wjele lět čakał. Po nowym prawidle smě jenož hišće kapitan abo postajeny hrajer, jeli kapitan we wrotach steji, ze sudnikom diskutować.
Čehodla sym wjele lět na to čakał, hodźi so lochce rozjasnić. W tójšto druhich sportowych družinach, w prěnim rjedźe w USA, so to hižo lěta dołho tak praktikuje a samo hišće jasnišo přesadźi. Na přikład w „american football“. Wězo so rozsud jednomu mustwu přeco lěpje hodźi hač tamnym, tola w footballu so to cyle jednorje akceptuje a žadyn jenički z hrajerjow abo trenarjow njeleći, kaž błudny runu smuhu k sudnikej a spyta tutoho ze wšěmi srědkami přeswědčić, rozsud změnić. Nadźijam so, zo so nowe prawidło tak spěšnje kaž móžno tež na runinje amaterow přewza.
Hrajerjo, kotřiž su so wo kuriozne wokomiki předkoła postarali
Hólc ze złotej nohu Arda Güler: 19lětny je jedne z najrjeńšich wrotow dotalneje EM docpěł. W zazběhowej hrě Turkowskeje přećiwo Georgiskej docpě wón wrota k 2:1 – a kak! Z dobrych 25 metrow zdalenosće zapali wón ze swojej lěwej nohu bul do třiróžka a sta so z rjekom naroda. Jako wosta w druhej hrě Turkow přećiwo Portugalskej (0:3) na ławce, žadachu sej turkowscy fanojo wjackróć a wótře jeho zaměnu. Wučerpany a nic fit dosć je ofensiwny hrajer był, praji trenar Vincenzo Montella, a zo nochcyše žane riziko na so wzać. „Budu Ardu skónčnje w dalšim přeběhu turněra trjebać. We wosmifinalu přećiwo Awstriskej na přikład.“
