Sport (24.05.24)
Wólnočasny wolejbul
W sportowni Serbskeho šulskeho a zetkawanskeho centruma přewjedu wučerki a wučerjo Serbskeho gymnazija Budyšin dźensa swoje tradicionelne wólnočasne wolejbulowe wurisanje „Nalětni wolejbulowy turněr“. Hrać budźe so wo pokal Spěchowanskeho towarstwa Serbskeho gymnazija Budyšin. Wosom přeprošenych cyłkow zetka so we 18 hodź. a hrać budźe so wot 18.30 hodź.
Serbski koparski derby
We wokrjesnej lize stafla I přewjedźe so njedźelu připołdnju serbski koparski derby mjez druhim z koparskim cyłkom Sportoweje jednotki Chrósćicy a prěnim mustwom Marijineje hwězdy. Pančičenjo, kiž steja na štwórtym městnje tabulki, su hladajo na zaměstnjenje faworizowane mustwo. Po tym wočakuje prěnje mustwo SJ Chrósćicy cyłk z Radeberga.
25.05. 13:00 Lubuš II – SJ Njebjelčicy
25.05. 15:00 Módro-běli Kulow –
ST Horni kraj-Sprjewja
25.05. 15:00 Rakečanske ST –
Módro-běli Zschachwitz
26.05. 12:30 SJ Chrósćicy II – ST Marijina hwězda
26.05. 12:30 HZ Ralbicy/Pančicy II –
HZ Halštrow/Hlinowc II
26.05. 13:00 Jednota Kamjenc –
FSV Łuty II
26.05. 14:00 Zeleno-běli Sepicy –
Wul. Dubrawa/Radwor II
26.05. 15:00 SJ Chrósćicy –
Radebergerske ST
26.05. 15:00 Drohotka Ramnow –
Po dobyću snano tola bjez dypka
SJ Motor Kumwałd –
SJ Chrósćicy II 1:6 (0:3)
Zestawa hosći: Škoda – L. Zahrodnik, M. Donat, T. Donat, J. Donat (75. Mark), Młynk (68. Liznar), Handrik, G. Zahrodnik, Matješk, Graf (75. Klemenc), Kř. Zahrodnik (68. B. Donat)
Hnydom w prěnich linkach tuteje rozprawy měło so pisać, zo móže so stać, zo so sportowe sudnistwo Zapadołužiskeho koparskeho zwjazka bórze hromadźe sydnje a druhemu mustwu SJ Chrósćicy dobyte tři dypki zaso wotewza. Najskerje njejsu zamołwići SJC prawidło wobkedźbowali, kotrež postaji ličbu zasadźenych hrajerjow z prěnjeho mustwa SJ Chrósćicy. Zašły pjatk běchu so mjenujcy wjacori hrajerjo wobeju koparskeju cyłkow SJ Chrósćicy na nachwatansku hru do Kumwałda podali.
Wuslědki (23.05.24)
Wokrjesna liga stafla I
Motor Kumwałd – SJ Chrósćicy II 1:6 (0:3)
1. Arnsdorfske KT 24 81 : 32 54
2. ST Porchow 24 67 : 33 54
3. Bretnig-Hauswalde 24 83 : 46 52
4. ST Marijina hwězda 24 66 : 35 44
5. TSV Wjazońca 24 61 : 35 42
6. SZ Steinigtwolmsdorf 24 63 : 56 33
7. HZ Huska/Hodźij 24 51 : 53 32
8. Motor Kumwałd 24 65 : 64 31
9. TSV Wjernarjecy 24 53 : 65 29
10. HZ Frankenthal 24 41 : 65 29
11. SJ Chrósćicy II 24 42 : 57 27
12. ST Wjelećin 24 45 : 61 27
13. HZ Rakecy/Minakał II 24 37 : 99 20
14. SZ Drjewnica 24 20 : 74 9
Pěskečenjo po krimiju swójski turněr dobyli
Roman Mejgl, Frank Měškank, Markus Kobalc, Paul Hrjehor, Robert Lejnart, Handrij Šwejda, Gregor Čornak abo Florian Dórnik – lisćina serbskich koparskich legendow, kiž wojuje lěto wob lěto za swoje ródne wsy w Pěskecach wo pokal swjatki póndźelu, by hišće wo wjele dlěša być móhła. A to je jedna z přičinow, čehoždla je turněr tež hišće po tójšto lětach tak woblubowany. Stare zajacy měrja hromadźe z młodymi talentami swoje mocy a při kromje hrajnišća diskutuja lubowarjo kopańcy wo dwubojach, wrotach a dalšich temach. Młodźi fanojo nazajtra wo tym sonja, za někotre lěta tež na hrajnišću stać směć.
Spočatnje mjenowani hrajerjo běchu tež wčera zaso přitomni, jako so krótko do 13 hodź. wosom mustwow wokolnych wsow k zahajenju turněra nastupi. Nawodaj turněra, Fabian Korjeńk a Křesćan Bejmak po witanju hnydom na to apelowaštaj, zo steji fair-play na prěnim městnje. To su tež wšitke mustwa hač do kónca dosć derje dodźerželi, tak zo njemějachu sudnicy Pascal Budar, Sven Dankhoff, Heiko Hejduška a Enrico Förster přewjele nuzy, hry wjesć.
Po pjeć lětach zaso w třećej lize
Hertha BSC II –
FC Energija Choćebuz 0:2 (0:2)
Zestawa FC Energije: Bethke – Slamar, Campulka, Hildebrandt, Bretschneider, Putze (69. Pelivan), Hofmann, Hasse (78. Juckel), Proničew, Heike, Krauß (69. Halbauer)
wrota: 0:1 Putze (15.), 0:2 Proničew (24.)
Po tym zo je FC Energija Choćebuz, tydźenja doma šansu postupić ležo wostajiła, poradźi so jej na poslednim hrajnym dnju regionalneje ligi wuspěch 2:0 pola Herty BSC II. Z tym je FCE z třomi dypkami předskoka mišterstwo w regionalnej lize sewjerowuchod za sebje rozsudźiła a postupi z tym direktnje do třećeje najwyšeje němskeje koparskeje klasy.
Přewodźana wot 8 000 fanow sadźi FCE po měrnym starće hižo bórze akcenty, kotrež buchu zahe přez wrota Joshua Putze mytowane. Dźesać mjeńšin pozdźišo wodźeše Maximilian Proničew bul wušiknje do wrotow domjacych. Tež bjez Timmy Thiele, kotryž pjateje žołteje karty dla hrać njesmědźeše, běžeše nadběhowa mašinerija na wysokich turach, njeposkićejo domjacym žanu šansu.
Pančičenjo načolnika mjerzali
ST Marijina hwězda –
Arnsdorfske KT 2:2 (1:2)
Zestawa domjacych: D. Matik – B. Zynda, K. Pakoßnik (46. J. Ladewig), R. Cyž, M. Wróbl, J. Clausen (46. Pa. Lugge), Ch. Cyž, A. Eldor, F. Peschmann, J. Pakoßnik, J. Zelnak
Na 24. hrajnym dnju bě načolnik tabulki wokrjesneje ligi z Arnsdorfa w Pančicach-Kukowje z hosćom.
Serbski koparski dorost w Pěskecach mocy měrił
Koparski turněr młodźiny E w Pěskecach započina so k rjanej tradiciji wuwić. Runje tak kaž póndźelniši turněr wjesnych mustwow.
Wuslědki (22.05.24)
Regionalna liga muži
FC Carl Zeiss Jena – FC Eilenburg 2:0 (1:0)
SV Babelsberg – VSG Altglienicke 0:0 (0:0)
Lok Lipsk – FSV Zwickau 2:0 (1:0)
BFC Dynamo – Berlinski AK 3:1 (0:0)
Hertha BSC II – E. Choćebuz 0:2 (0:2)
Kamjeničanski FC – FC Erfurt 2:2 (1:1)
1. FC Energija Choćebuz 34 68 : 37 71
2. Greifswaldski KK 34 67 : 32 68
3. Viktoria Berlin 34 54 : 39 63
4. BFC Dynamo 34 59 : 38 61
5. SV Babelsberg 34 42 : 34 56
6. VSG Altglienicke 34 68 : 49 53
7. FC Carl Zeiss Jena 34 59 : 44 53
8. BSG Chemija Lipsk 34 40 : 40 50
9. Kamjeničanski FC 34 44 : 51 45
10. Lok Lipsk 34 48 : 56 43
11. ZFC Meuselwitz 34 47 : 51 41
12. FSV Zwickau 34 50 : 59 41
13. FC Čerwj.-běli Erfurt 34 53 : 56 39
14. Hertha BSC II 34 48 : 65 38
15. FSV Luckenwalde 34 50 : 61 37
16. FC Eilenburg 34 42 : 60 36
17. F.C. Hansa Rostock II 34 46 : 65 28
18. Berlinski AK 34 24 : 72 19
Wuspěšny prěni test za serbske koparki
Serbske mustwo holcow –
Hlinowski SK 3:2 (2:0, 0:1, 1:1)
Za Serbske mustwo zasadźene hrajerki: Xenia Koberec – Amy-Helen Kiszec, Laura Hanušojc, Lavinia Frenclec, Lena Handrikec, Leoni Wenclec, Marta Handrikec, Paula Simulic, Johana Wjeselic, Stella Pilcec, Thea Kuntzec, Ulrika Lobedźina, Vianneya Paškec
trenarski duo: Pětr Bejmak a Handrij Rachela
Za Hlinowski SK zasadźene hrajerki: Patricia Glöckner – Magdalena Richter, Pia Krainz, Stefanie Schmidt, Maria Lindemann, Annalena Kappler, Aline Christen, Nele Pjetašec, Marie Kühnemann, Dorothea Tanneberger, Ellie Gut, Lennie Gut, Luise Finke, Clara Rudolf, Amy Albrecht, Kira Lehner
trenarski duo: Lukas Lindemann a Carmen Antkewitz
slěd wrotow: 1:0 Johana Wjeselic (4.), 2:0 Thea Kuntzec (18.), 2:1 samowrota (57.), 3:1 Johana Wjeselic (76. jědnatka), 3:2 Clara Rudolf (90.+3.)
Serbske mustwo holcow pokaza w Ralbicach sobotu přećiwo zastupjerjej krajneje klasy dosć spodobny wukon, ke kotremuž su wšitke zasadźene hrajerki přinošowali. Woni su po modusu tři razy poł hodźiny hrali. Tak móžachu zamołwići Serbskeho mustwa wšelakore konstelacije a zestawy wuspytać.
Jubilej „Słowa k njedźeli“
Bonn (B/SN). Swój 70. jubilej je 8. meje njedźelne „Słowo k njedźeli“ telewizijneho sćelaka ARD woswjećiło. Wusyłanje słuša po „Tagesschau“ k najstaršim programowym dypkam sćelaka. „W 3 600 slědach je so 315 rěčnicow a rěčnikow słowa jimało“, zwěsći Norbert Wichard wot Němskeje biskopskeje konferency.
Reforma wólbow bamža
Vatikan (B/SN). Wašnje přewjedźenja wólbow bamža, konklawe, běchu před 750 lětami w Lyonje zawjedli. Wot toho časa maja so wólbokmani kardinalojo w zawrjenym rumje na noweho bamža dojednać, zo njebychu myleni byli a zo by wólbny proces tajny wostał. W času najnowšeje technologije pak tež „zawrjeni“ kardinalojo před wonkownymi wliwami škitani njejsu. Tohodla je reforma konklawe horca tema we Vatikanje.
Indigeny ritus připóznać
Sydney (B/SN). Prawobydlerjo Awstralskeje su zwjetša katolscy a so 50 lět prócuja, elementy tradicionalneje kultury a rěče na Božej mši nałožować. Awstralscy biskopja chcedźa nětko žadanjam indigenych prawobydlerjow po cyłym kraju oficialnje wotpowědować a ritus Božeje mšě připóznać.
Křesćenjo w centralnej Aziji
