Swjatočnosć pólskeho knježerstwa dwójce zasćinjena była

Waršawa. Pólska je z nowym lětom prezidentstwo Rady EU – zastupnistwa wšitkich čłonskich krajow Europskeje unije – na přichodne poł lěta wot Madźarskeje přewzała. Składnostnje toho je knježerstwo minjeny kónc tydźenja na wulku swjatočnosć do Waršawskeho Narodneho dźiwadła přeprosyło. Zarjadowanje z wjace hač 1 800 hosćimi pak bě zasćinjene.

Poprawom je prezidentstwo Rady EU knježerstwu ministerskeho prezidenta Donalda Tuska składnosć, po lěće 2011 znowa wuspěšne čłonstwo w EU wo­swjećić a tole wotpowědnje pokazać. Tuž su wulkopósłancow wšitkich europskich krajow přeprosyli. Dwě sydle w dźiwadle pak stej prózdnej wostałoj.