ST 1922 Radwor –

ST Kinspork/Łužnica 0:3 (0:1)

Zestawa domjacych: J. Pěčak – B. Grubert (67. M. Grubert), Omran, M. Dźisławk, Hetaš (61. L. Pěčak), Paška, Schöne, Wencel (88. Dej), Wjeńka, Glücklich, C. Dźisławk (55. Nuk)

W prěnich 20 mjeńšinach móžachu Radworčenjo přećiwnika hišće kontrolować a sami přeco zaso bul wobsedźachu. Tola hač na róžki a zamjety wjele wuspěšnych akcijow nastało njebě. Kinspork bule w srjedźnym polu derje zakitowaše a cyłkownje tež wo wjele wjace dwubojow doby. Hosćo zamóchu z dołhimi hratymi bulemi přez křidle a spěšnymi nadběhowarjemi na tutych pozicijach přeco zaso před Radworske wrota přińć. Tam pak wrotar Jakub­ Pěčak třělwy husto derje wotwobara. Bohužel njeběchu zaso mnohe standardy Radworčanow strašne dosć. Najlěpšu składnosć wrota docpěć měješe Marvin Paška po přihrawce Juliena Glücklicha­, kotryž pak bul wo někotre centimetry misny. Tak padnychu w 31. min. po dalšim dołhim bulu Kinsporkčanow prěnje wrota. Spěšny nadběhowar přesćahny Radworskich škitarjow na křidle a trjechi 0:1.