Zestawa Sokoła: Chr. Gloxyn – Matka, An. Wałda (78. Materna), Šewc, Korjeńk, Domaška (71. Kunze), Rachela, Al. Wałda, Šołta (71. Ričel), D. Gloxyn (78. F. Bejma), Rawš
Na delansku kermušu witachu Sokoljo zestupnika z krajneje klasy. Mustwo z Ćiska steji w pincy tabulki. Tak běše jasny cil, sebi tři dypki doma wuwojować. Trawnik běše drje hišće z ćeńkej worštu sněha pokryty, tola hru přewjesć běše při wšěm móžno.
Swobodne skakanje w Jěžowje
Konjaca sportowča Antje Römer-Graf přeprošuje wšitkich zajimcow, kiž chcedźa swoje sportowe konje raz swobodnje bjez sedła a jěcharja skakać dać, do jěchanskeje hale do Jěžowa, a to 27. nowembra, 4. decembra a 11. decembra 2022. Wobdźělić smědźa so wulke a małe konje we wšěch starobnych klasach a wukubłanskich stawach. Přizjewjenja pod 0172 3506 258.
Duel susodneju wsow
Njedźelu připołdnju změja přiwisnicy SJ Njebjelčicy chětro krótki puć do Hlinowca. We wokrjesnej lize stafla dwaj dyrbi dwanaty tabulki k načolnikej. W samsnym času hraja Radworčenjo a Ralbičenjo doma, a to we wokrjesnej wyšej lize. W krajnej klasy přijědźe njedźelu do Chrósćic cyłk z Cossebaude.
19.11. 12:00 Wojerowski FC II –
SJ Chrósćicy II
19.11. 14:00 Budissa Budyšin –
FC Rudne horiny Aue
20.11. 13:00 ST Marijina hwězda –
HZ Wóslink/Skaskow/
Kulow II
20.11. 13:00 ST Hlinowc –
SJ Njebjelčicy
20.11. 13:00 ST Radwor –
ST Horni kraj-Sprjewja
20.11. 13:00 Sokoł Ralbicy/Hórki –
ST Ćisk
20.11. 14:00 SJ Chrósćicy –
TSV Cossebaude
Wolejbulowe dypkowe hry
SJ Chrósćicy II – FSV Łuty 2:3 (0:2)
Zestawa domjacych: M. Dórnik – F. Dórnik, M. Donat, Zynda, Kola (71. R. Šołta), Mark (46. Zahrodnik), Wornar, P. Šołta (80. Čornak), B. Donat, J. Donat, Liznar
Na předposlednju hru do zymskeje přestawki witaše Chróšćanske druhe mustwo njedźelu hosći z Łutow do stadiona Jednoty. Hosćo stejachu na pjatym městnje tabulki a běchu tuž faworit.
Kopańca, tabulkowa pinca wokrjesneje ligi stafla 2, muži
6. ST Lubuš 11 30 : 17 19
7. Módro-běli Minakał 12 31 : 27 18
8. HZ Wóslink/Skaskow/
Kulow II 12 22 : 31 17
9. ST 1896 Wulka Dubrawa 12 22 : 23 16
10. SJ Chrósćicy II 12 18 : 36 10
11. Wojerowski FC II 12 19 : 27 9
12. SJ Njebjelčicy 12 13 : 30 5
13. Zeleno-běli Sepicy 12 15 : 42 5
14. Rakečanske ST II 12 20 : 54 5
Zestawa hosći: Králíček – Matješk, F. Cyž, Sentiwan, M. Zahrodnik, Młynk, Hawš, Kreuz (46. Rätze), L. Zahrodnik (46. B. Cyž, 63. Mark), Bogusz, Krawc (88. Runt)
Rakečanske ST II – ST Marijina hwězda 2:2 (0:0)
Zestawa hosći: Matik – Wróbl, Hoge, K. Pakoßnick, Weclich (72. Jehnichen), Cyž, Eldor, Langer, Ladewig (72. Clausen), J. Pakoßnick, Wünsche (80. Lugge)
BFC Dynamo – FC Energija Choćebuz 4:1 (0:0)
Energija Choćebuz: Bethke – Hasse, Slamar, Hildebrandt, Borgmann – Kujović, Hofmann (62. Eisenhuth), Oesterhelweg (62. Abu-Alfa) – Badu (76. Geisler), Hottmann, Wähling (76. Juckel)
slěd wrotow: 1:0 Euschen (54.), 2:0 Suljić (61.), 2:1 Abu-Alfa (69.), 3:1 Suljić (70.), 4:1 Klump (90.)
Po tym zo běchu wšitcy konkurenća z načolneje skupiny regionalneje ligi pjatk a sobotu dypki wotedawali, bě puć na čoło tabulki za FC Energiju swobodny. Remis pola BFC by za to dosahał, tola wšitko přińdźe hinak. Po 0:0 k přestawce a šansach za Malcoma Badu a Niklasa Wählinga dóstachu so hosćo dla katastrofalnych wotwobaranskich zmylkow do zastatka 0:2. Nadźija zeschadźa jako zaměnjeny Ali Abu Alfa ze swojimi štwórtymi sezonowymi wrotami 1:2 třěli. Tola 30 sekundow po 1:2 poradźichu so Berlinjanam znowa wrota za komfortabelny předskok, kotryž bu w poslednjej mjeńšinje samo wutwarjeny. Za FCE bě to najwyša poražka sezony.
Na druhim domjacym hrajnym dnju w Sakskej klasy běštej mustwje do Worklec přijěłoj, kotrejž steještej w tabulce cyle blisko w susodstwje Worklečanow. Kóždy přiwisnik wolejbula wě, zo dypki z tajkich partijow dwójce liča. Su to tak mjenowane wulke dypki. Cil domjacych běše, snano štyri do šěsć dypkow na swójske konto składować. Z toho pak ničo njebu.
Viktoria Worklecy – ST Coswig-Mišno 0:3 (15:25, 21:25, 26:28)
Hnydom prěnja sadźba přećiwo hosćom z Łobjoweho kraja so nimokuli. Jenož prěnich šěsć ličakow běše wurunanych, potom so hosćo wotsadźichu. Přičina za to bě wosebje, zo steješe Worklečanam jara wurunany, zahraty cyłk napřećo, kiž pokaza sylne nadaća, skoro bjez někotrehožkuli zmylka. Přiwzaća domjacych běchu hustodosć njeprecizne a z toho rezultowaše pobrachowacy ćišć w nadběhu. Spěšnje steješe 12:19 a dalše dypki za Mišno běchu lochke. 15:25 rěkaše strózby rezultat.