Schrift vergrößern
Prawu dowolowu atmosferu ze słóncom a wodu móžeš mjez druhim w Złokomorowskim měšćanskim přistawje dožiwić. Łužiska jězorina je wočerstwjenski region. Dosć kwartěrow pak w interneće hišće wotwołujomnych njeje. Foto: Axel Arlt
Słónco, woda, dowol. Wone tři słowa su charakteristiske za najrjeńši čas w lěće. Někotryžkuli je snano wjele lět na Baltiske morjo myslił, tamna na kupu abo přibrjóh w Srjedźnym morju, Atlantiku abo druhdźe na swěće. Nic naposledk skići Łužiska jězorina ludźom mjeztym přitulne městna a přijomne kwartěry, zo bychu so wočerstwjeli a tutu typisku atmosferu dožiwili.
Jednaćelce Turistiskeho zwjazka Łužiska jězorina Kathrin Winkler a zamołwitej za zjawnostne dźěło Katje Wjersch (wotprawa) leži tudyši turizm jara na wutrobje.
